టాలీవుడ్ లో స్ట్రెయిట్ సినిమాలకు సూర్య‌ ప్లాన్ ‌

కోలీవుడ్ టాలీవుడ్ లో స్టార్ హీరో సూర్య‌కు ఉన్న ఫాలోయింగ్ తెలిసిందే. త‌మిళ ప‌రిశ్ర‌మ‌కు ధీటుగా తెలుగులోనూ బంప‌ర్ హిట్లు కొట్టాడు. ఇక్క‌డా అత‌డు మార్కెట్ ప‌రిధిని విస్త‌రించాడు. అయితే ఇటీవ‌లి కాలంలో అత‌డికి వ‌రుస ప‌రాజ‌యాలు ఊపిరాడ‌నివ్వ‌క‌పోవ‌‌డంతో మార్కెట్ డౌన్ ఫాలో అయిన సంగ‌తి తెలిసిందే. అయినా తెలుగు వారంటే సూర్య‌కు అభిమానం ఎక్కువ‌.

అందుకే ఇప్పుడు నేరుగా తెలుగులో స్ట్రెయిట్ సినిమాల్ని నిర్మించేందుకు సూర్య రంగం సిద్ధం చేస్తున్నార‌ని స‌మాచారం. ఇప్ప‌టికే తమిళంలో 2డి ఎంట‌ర్ టైన్ మెంట్స్ పేరుతో సొంత బ్యాన‌ర్ ప్రారంభించి విజ‌యాలు అందుకున్నారు. తెలుగులోనూ ఒక కొత్త బ్యాన‌ర్ ప్రారంభించి స్ట్రెయిట్ సినిమాలు తీస్తార‌ట‌. అందుకోసం స్థానికంగా పేరున్న బ్యాన‌ర్ల‌తో టై అప్ అయ్యి.. కంటెంట్ బేస్డ్ సినిమాలను రూపొందించడానికి ప్రణాళికలు సిద్ధం చేస్తున్నార‌ని తెలిసింది. సూర్య‌ ఇప్పటికే ప‌లు బ్యానర్ ‌లతో చర్చలు జరుపుతున్నార‌ని కూడా క‌థ‌నాలొస్తున్నాయి.

ప్ర‌స్తుతం తెలుగు సినిమా స్థాయి అమాంతం పెరిగింది. యూనివ‌ర్శ‌ల్ అప్పీల్ ఉన్న సినిమాల్ని మ‌న మేకర్స్ రూపొందిస్తున్నారు. ఇక్క‌డ ఆడియ‌న్ అంద‌రినీ ఆద‌రించే మంచి గుణం క‌లిగి ఉన్నారు. ఇరుగు పొరుగు భాష‌ల ద‌ర్శ‌క‌నిర్మాత‌లు టాలీవుడ్ లో ప్ర‌వేశించేందుకు ఆస‌క్తిని క‌న‌బ‌రుస్తున్నారు కాబట్టి.. తాను కూడా ప్రత్యక్షంగా తెలుగు చిత్రాలను నిర్మించాలనుకుంటున్నార‌ట‌. అందుకే సూర్య తెలివిగా త‌న‌ ప్ర‌ణాళిక‌ల్ని విస్త‌రిస్తున్నార‌ని తెలుస్తోంది.

సూర్య‌ తెలుగు స్ట్రెయిట్ సినిమా ర‌క్త‌చరిత్ర‌లో న‌టించిన సంగ‌తి తెలిసిందే. ఇక‌పైనా స్ట్రెయిట్ తెలుగులో నటించే ఆలోచ‌న ఉంది. అలాగే నేరుగా తెలుగులోనే సినిమాల‌ను నిర్మించే ప్ర‌య‌త్నం చేస్తుండ‌డం మ‌న‌వాళ్ల‌లో ఆస‌క్తిని పెంచుతోంది.