ప్రామీస్ నిలబెట్టుకుంటున్నట్లుగా ప్రకటించిన సూపర్‌ స్టార్‌

బాలీవుడ్‌ స్టార్ హీరో అక్షయ్‌ కుమార్‌ హీరోగా లాక్ డౌన్ కు ముందు ఏడాదికి మూడు నాలుగు సినిమాలు వచ్చిన సందర్బాలు ఉన్నాయి. గత ఏడాది కూడా అక్షయ్‌ కుమార్ మూడు సినిమాలను ప్రేక్షకుల ముందుకు తీసుకు రావాలనుకున్నాడు. కాని కరోనా మహమ్మారి కారణంగా లాక్ డౌన్ విధించడంతో నెలల తరబడి థియేటర్లు మూత పడ్డాయి. గత ఏడాది మార్చిలో అక్షయ్‌ 'సూర్యవన్షి' ట్రైలర్ ను విడుదల చేశారు. ఆ ట్రైలర్‌ కు మంచి రెస్పాన్స్ వచ్చింది. సినిమాను లాక్ డౌన్‌ సమయంలో ఓటీటీలో విడుదల చేయబోతున్నట్లుగా వార్తలు వచ్చాయి. కాని థియేటర్లలోనే విడుదల చేస్తామని చిత్ర యూనిట్‌ సభ్యులు ప్రామీస్ చేశారు.

ఎట్టకేలకు అక్షయ్‌ కుమార్ అభిమానులు ఎదురు చూస్తున్న సమయం వచ్చేసింది. సూర్యవన్షి సినిమా విడుదల తేదీని అధికారికంగా ప్రకటించారు. ఏడాది కాలంగా అదుగో ఇదుగో అన్నట్లుగా ప్రచారం జరుగుతున్న సూర్యవన్షిని ఏప్రిల్ 30వ తారీకున విడుదల చేయబోతున్నట్లుగా ప్రకటించారు. సినిమా విడుదల తేదీ విషయమై చిత్ర యూనిట్‌ సభ్యులు అధికారిక ప్రకటన చేయడంతో పాటు థియేట్రికల్‌ ఎక్స్‌పీరియన్స్ ను ఇస్తామని హామీ ఇచ్చాం. అన్నట్లుగానే సినిమా ను థియేటర్లలోనే విడుదల చేయబోతున్నట్లుగా చెప్పుకొచ్చారు. ట్రైలర్ పై మీరు చూపించిన ప్రేమ ను సినిమా పూ చూపిస్తారని ఆశిస్తున్నాం అంటూ విడుదల తేదీ అనౌన్స్ సందర్బంగా చిత్ర యూనిట్‌ సభ్యులు ఒక వీడియోను విడుదల చేశారు.