ఎప్పుడూ అదే స్టోరీ వినిపిస్తున్నావ్ సూర్య

ఓ సినిమా రిలీజ్ కి ముందు ఆ మూవీ డైరెక్టర్ ని హీరో తెగ పొగిడేయడం పెద్ద విషయమేమీ కాదు. మే 6న విక్రమ్ కె కుమార్ డైరెక్షన్ లో కోలీవుడ్ హీరో సూర్య నటించిన 24 విడుదల అవుతోంది. ఈ సందర్భంగా.. దర్శకుడిని సూర్య తెగ పొగిడేస్తున్నాడు. కానీ తను సినిమా చేసే ప్రతీ దర్శకుడికి ఎలా పొగుడుతాడో, అదే రేంజ్ లో ప్రశంసలు కురిపించాడు.

'విక్రం నన్ను కలిసినపుడు ఇంకో మనం చెప్పను అని ముందే అన్నాడు. స్టోరీని 30 నిమిషాల్లో చెప్పిన విక్రమ్.. నేను కనెక్ట్ అయ్యాక 5గంటల పాటు నేరేట్ చేశాడు. ఆ నేరేషన్ విన్నాక ఈ సినిమాని నేనే నిర్మించాలని డిసైడ్ అయిపోయా. విక్రమ్ చాలా ట్యాలెంటెడ్ మరియు కాన్ఫిడెంట్. ప్రతీ ఏడాది తనతో ఓ సినిమా చేయాలని అనుకుంటున్నా' అని చెప్పాడు సూర్య.

గతంలో మురుగదాస్ తో సినిమా చేసినపుడు కానీ, హరితో సింగం సీక్వెల్స్ తీసినపుడు కానీ., సూర్య చెప్పే కబుర్లు ఇలాగే ఉంటాయి. పొగడ్డంలో తప్పు లేదు కానీ.. మరీ ప్రతీ దర్శకుడికీ, ప్రతీ సినిమాకీ అదే పాట పాడుతుంటే.. వినడానికి కొంచెం ఇబ్బందిగా ఉంది సూర్యా.. అర్ధం చేసుకోవూ!!