సుశాంత్ కి డ్ర‌గ్స్ అల‌వాటు.. డ్రైవ‌ర్ చెప్పిన షాకింగ్ నిజం

సుశాంత్ సింగ్ రాజ్ ‌పుత్ అనుమానాస్ప‌ద మృతి చుట్టూ రోజులో స్టోరీ బ‌య‌టికి వ‌స్తూ థ్రిల్ల‌ర్ సినిమాని త‌ల‌పిస్తోంది. సుశాంత్ డ్ర‌గ్స్ వాడేవాడంటూ అత‌ని గార్ల్ ఫ్రెండ్ రియా ఇటీవల సంచ‌ల‌న వ్యాఖ్య‌లు చేసింది. త‌నని విచారించిన ఎన్.‌సీ.బీ అధికారుల‌కి సుశాంత్ గురించి మ‌రిన్ని షాకింగ్ విష‌యాల్ని బ‌య‌ట‌పెట్టింది. సుశాంత్ కు చెందిన లోనావాలాలోని ఫామ్ హౌజ్ ‌లో డ్ర‌గ్ పార్టీలు జ‌రుగుతాయ‌ని వెల్ల‌డించి సంచ‌ల‌నం సృష్టించింది.

అంతే కాకుండా ఈ డ్ర‌గ్ పార్టీల్లో కొకైన్‌.. ఎల్ ఎస్ డీ.. మ‌రీజునా వాడేవార‌ని అయితే సుశాంత్ కి డ్ర‌గ్ ని అల‌వాటు చేసింది మాత్రం ఓ పేరు మోసిన ఫిల్మ్ మేక‌ర్ అని సంచ‌ల‌న విష‌యాల్ని బ‌య‌ట‌పెట్టింది. అయితే ఈ స్టేట్ ‌మెంట్ శుద్ధ అబ‌ద్ధ‌మ‌ని సుశాంత్ సింగ్ రాజ్‌పుత్ మాజీ డ్రైవ‌ర్ ధీరేంద్ర యాద‌వ్ చెప్ప‌డం సంచ‌ల‌నంగా మారింది. ఇటీవ‌ల ధీరేంద్ర యాద‌వ్ ‌ని సీబీఐ ప్ర‌శ్నించింది. ఈ సంద‌ర్భంగా ధీరేంద్ర యాదవ్ సంచ‌ల‌న విష‌యాల్ని బ‌య‌ట‌పెట్టారు.

సుశాంత్ ఏ రోజూ డిప్రెష‌న్‌కి గురికాలేద‌ని.. డ్ర‌గ్స్ తీసుకున్న దాఖ‌లాలు తాను గ‌మ‌నించ‌లేద‌ని స్ప‌ష్టం చేశాడు. ధీరేంద్ర యాద‌వ్ 2018 అక్టోబ‌ర్ నుంచి 2019 ఏప్రిల్ వ‌ర‌కు సుశాంత్ వ్య‌క్తిగత‌ డ్రైవ‌ర్ గా ప‌నిచేశాడ‌ట‌. సుశాంత్ కు మ్యూజిక్ అంటే ఇష్ట‌మ‌ని.. త‌ను డ్రైవ‌ర్ గా వ‌ర్క్ చేసిన స‌మ‌యంలో రియా సుశాంత్ లైఫ్ ‌లోకి రాలేద‌ని అస‌లు విష‌యం చెప్పేశాడు. అంటే ధీరేంద్ర స్టేట్ ‌మెంట్ ప్ర‌కారం రియా ఎంట్రీ ఇచ్చాకే సుశాంత్ లైఫ్ ఒక్క‌సారిగా మారిపోయింద‌ని తెలుస్తోంది. ఇక రియా రాక‌తోనే డ్ర‌గ్స్ సుశాంత్ జీవితంలో ప్ర‌వేశించాయా? అత‌డు చ‌నిపోయాక నింద వేసి త‌ప్పించుకోజూస్తోందా? అన్న‌ది సీబీఐ వ‌ర్గాలు తేల్చాల్సి ఉంటుంది.