ఫ్యాన్ మూమెంట్ ఎంజాయ్ చేస్తున్న హీరో

ఓ హీరోకు బోలెడంత మంది అభిమానులు ఉంటారు. ఫ్యాన్ మూమెంట్ అంటే ఎలా ఉంటుందో ఆ అభిమానులకు బాగా తెలుస్తుంది. కానీ ఓ హీరోకు ఆ ఆనందం ఎలా ఉంటుందో ఎలా తెలుస్తుంది? ఆ హీరో కూడా వేరే ఎవరికైనా వీరాభిమాని అయితే.. అప్పుడు ఆ ఎంజాయ్మెంట్ అర్ధం అవుతుంది.

కానీ తామే హీరో అయి ఉండి.. మరో హీరోకు ఫ్యాన్ అని చెప్పుకునేందుకు చాలామంది సిద్ధంగా ఉండరు. కానీ అక్కినేని హీరోల రూటు వేరుగా ఉంటుంది. తక్కువ సినిమాలనే చేసినా.. డిఫరెంట్ మూవీస్ తో ఆకట్టుకున్న సుశాంత్.. ఇప్పుడు ఫ్యాన్ మూమెంట్ ను ఎంజాయ్ చేయడమే కాదు.. ఓపెన్ గానే తన సంబరాన్ని తెలియచేస్తున్నాడు కూడా. జనవరి 10న బాలీవుడ్ సూపర్ స్టార్ హృతిక్ రోషన్ పుట్టిన రోజు అనే సంగతి తెలిసిందే. ఈ సందర్భంగా చాలామందే హృతిక్ కు విషెస్ చెప్పారు.

వీరిలో సుశాంత్ కూడా ఉన్నాడు. అయితే.. అనుకోకుండా జరిగిన సంఘటన ఏంటంటే.. థ్యాంక్యూ అంటూ రిప్లై ఇచ్చాడు హృతిక్ రోషన్. దీంతో తెగ సంబరపడిపోయిన సుశాంత్.. 'ఓకే.. ఇప్పుడే ఇది జరిగింది.. సూపర్ స్టార్ సూపరెహ' అనడమే కాదు.. ఫ్యాన్ మూమెంట్ అని.. 2018లో సూపర్బ్ గా ఉంటుందని తన సంతోషాన్ని చెప్పేశాడు ఈ హీరో.