#సుశాంత్ వీడియో..అక్క‌చెల్లెళ్లతో వెల‌క‌ట్ట‌లేని అనుబంధం

సుశాంత్ సింగ్ రాజ్‌పుత్ ఆక‌స్మిక మ‌ర‌ణం వెన‌క కార‌ణాల‌పై ద‌ర్యాప్తు కొన‌సాగుతున్న సంగ‌తి తెలిసిందే. ఈ కేసులో రియా చ‌క్ర‌వ‌ర్తిపై సుశాంత్ కుటుంబం పోలీస్ కేసులు న‌మోదు చేసి కోర్టుల్లో పోరాడుతున్న సంగ‌తి తెలిసిందే. ఆ క్ర‌మంలోనే సోదరి శ్వేతా సింగ్ తో సుశాంత్ కి స‌త్సంబంధాలు లేవ‌ని ప్రియురాలు రియా చ‌క్ర‌వ‌ర్తి ఆరోపించింది. అత‌డికి కుటుంబంతో సంబంధాలు తెగిపోయాయ‌ని శివ‌సేన నాయ‌కుడు సంజ‌య్ రౌత్ ఆరోపించ‌డం సంచ‌ల‌న‌మైంది.

కానీ ఈ కేసులో ముంబై పోలీసులు.. సీబీఐ ద‌ర్యాప్తు చెబుతున్న నిజాలు వేరేగా ఉన్నాయి. సుశాంత్ మరణించి రెండు నెలలైంది. సీబీఐ ఈడీ ద‌ర్యాప్తుల్లో ర‌క‌ర‌కాల నిజాలు నిగ్గు తేల్తున్నాయి. ఈ ఆదివారం సోషల్ మీడియాలో సుశాంత్ నలుగురు సోదరీమణులతో క‌లిసి ఉన్న ఒక అపురూప‌మైన‌.. అమూల్యమైన వీడియోను సోద‌రి శ్వేత స్వ‌యంగా షేర్ చేశారు.

`ఎంఎస్ ధోని: ది అన్‌టోల్డ్ స్టోరీ` విడుదల సమయంలోని వీడియో ఇది. ఈ వీడియోలో సుశాంత్ కి త‌న సోద‌రీమ‌ణులు అంటే ఎంత ప్రేమాభిమానాలో బ‌య‌ట‌ప‌డింది. వీడియోను షేర్ చేసి శ్వేతా ఆవేద‌న‌తో కూడిన‌‌ క్యాప్షన్ ఇచ్చింది. ``ఆనందం ఉంది.. మేం ఎంతో ఆనందించాం. క‌లిసి సూర్యుని ఎండ‌లో గ‌డిపిన క్ష‌ణాలు ఉన్నాయి. కానీ ఆ చిరునవ్వు హుషారు ఆ సీజన్లు అన్నీ పోయాయి. మనం అందరం కలిసి ఉండాలని కోరుకుంటున్నాను ... ఎల్ల‌పుడూ నీవు మాతోనే ఉంటావు`` అంటూ ఎమోష‌న‌ల్ అయ్యింది.

ఈ వీడియోతో పాటు సుశాంత్ చిన్ననాటి ఫోటోను కూడా శ్వేతా పంచుకున్నాడు. దానికి ఆస‌క్తిక‌ర క్యాప్ష‌న్ ని ఇచ్చారు. ``మీరు దేనినైనా విశ్వసించినప్పుడు దాని కోసం పోరాడండి. అన్యాయాన్ని చూసినప్పుడు మీరు ఇంతకుముందు పోరాడిన దానికంటే కష్టపడతారు`` అంటూ బ్రాడ్ మెల్ట్జర్ కొటేష‌న్ ని షేర్ చేశారు. సీబీఐ ద‌ర్యాప్తులో సుశాంత్ కుటుంబానికి న్యాయం జ‌ర‌గాల‌ని అభిమానుల డిమాండ్లు అంత‌కంత‌కు వేడెక్కిస్తున్న సంగ‌తి తెలిసిన‌దే. న్యాయం కోసం సిస్ట‌ర్స్ పోరాటం ఫ‌లిస్తుంద‌నే ఆశిద్దాం.