సుశాంత్ ఇష్టాలన్నీ ఎంతో విలువైనవి..అందులో ఇవి ప్రత్యేకమట!

బాలీవుడ్ యంగ్ హీరో సుశాంత్ ఇటీవలే మరణించి లోకాన్ని విడిచి వెళ్ళిపోయాడు అనే విషయాన్నీ ఇంకా అందరూ జీర్ణించుకోలేక పోతున్నారు. సుశాంత్ సినీ జీవితమే కాకుండా వ్యక్తిగతంగా ఎన్నో కలలు కన్నాడు. సుశాంత్ వస్తువులు కూడా అతని విజయాలకు ప్రతీకలుగా నిలుస్తున్నాయి. ఇంతకీ సుశాంత్ కి ఇష్టమైన వస్తువులు ఏంటో చూద్దాం.. సినీ బ్యాక్ గ్రౌండ్ లేకుండా ఇండస్ట్రీకి వచ్చిన సుశాంత్ ప్రతీ అవకాశాన్ని వాడుకొని కెరీర్లో మంచి విజయాలు సాధించాడు. ఆ క్రమంలో ముంబైలోని బాంద్రాలో సముద్ర తీరానికి దగ్గరలో 20కోట్లు విలువ గల ఓ ఇల్లు కొన్నాడు. అదంటే సుశాంత్ కి చాలా ఇష్టమట.

ఇక ఎంఎస్ ధోని బయోపిక్‌ సినిమాతో 100 కోట్ల క్లబ్ లో చేరాడు. ఆ వెంటనే బ్లూ కలర్ మెసెరాటీ క్వాట్రోపొర్టేను కొన్నాడు. దాని ఖరీదు 1.5 కోట్లు. ఆ కారు కూడా సుశాంత్ ఇష్టపడే వాటిలో ఒకటి. ఇంకా సుశాంత్ సినిమాలు హిట్లు అయినప్పుడు సుమారు 50లక్షల రేంజ్ రోవర్ ఎస్‌యూవీ కారును కొన్నాడు. ఆ తర్వాత హాలీవుడ్ టామ్ క్రూస్ నటించిన మిషన్ ఇంపాసిబుల్-2 మూవీ చూసి బైక్‌లపై ఇష్టం పెంచుకున్నాడట. అప్పుడు అత్యంత ఖరీదైన BMW K1300 R అనే బైక్‌ కొన్నాడు సుశాంత్. సుశాంత్ వద్ద ఉన్న విలువైన వాటిలో ఇది కూడా ఒకటి.

సుశాంత్ కేవలం సినిమాల పైనే కాకుండా సైన్స్ పై బాగా ఇంటరెస్ట్ ఉంది. అంతరిక్షం, టెలిస్కోప్, రాకెట్ సైన్స్ లాంటి విషయాలపై మంచి పరిజ్ఞానంతో అంతరిక్షంలో స్థలం కొన్నాడు. Meade 14" LX600' టెలిస్కోప్‌ను కూడా కొన్నాడట సుశాంత్.. ఆ టెలిస్కోప్ కూడా చాలా విలువైనదే. సుశాంత్‌కు గడియారాలు.. దుస్తులు కూడా ఇష్టమట. ఖరీదైన వాచీలు ధరించడం.. కొత్త బ్రాండ్స్ ఎప్పుడూ వచ్చినా కొనేవాడట. ఫారిన్ బ్రాండ్, స్వదేశీ బాండ్ గడియారాలు చాలానే ఉన్నాయట. ఇంకా సుశాంత్ డబ్బులు ఇచ్చి పుచ్చుకోవడంలో చాలా నిజాయితీగా.. ఖచ్చితంగా ఉంటాడనేది స్నేహితులు చెప్తున్నారు. సుశాంత్ మృతికి 3రోజుల ముందు తన సిబ్బందికి జీతాలు ఇచ్చేశాడట.