మళ్లీ వార్తల్లోకి ఎక్కిన సుశాంత్ సిస్టర్

అక్కినేని వంశం నుంచి వచ్చిన హీరోగా సుశాంత్ అందిరకీ తెలుసు. ఈ హీరో సోదరి పేరు సాహిత్య. సామాజిక సేవలో ఈమె రెండడుగులు ముందే ఉంటుంది. 'చిన్నారుల కోసం నా కూతురు పడే తపన నన్ను గర్వపడేలా చేస్తోంది' అంటూ తల్లి నాగ సుశీల ప్రశంసలు కురిపించిందంటే.. ఈమె ఎంతటి సామాజిక సేవ చేస్తోందో అర్ధమవుతుంది. టీచ్ ఫర్ ఇండియా అనే కాన్సెప్ట్ కోసం.. సాహిత్య స్వచ్ఛందంగా సేవ చేస్తోంది.

పేద విద్యార్ధులకు చదువును అందించేందుకు ఏర్పడ్డ ఈ సంస్థకు సంబంధించిన కార్యకలాపాల్లో.. హైద్రాబాద్ విధులను సాహిత్య పర్యవేక్షిస్తుంటుంది. ఇండస్ట్రీలోని పలువురు ప్రభుత్వ పాఠశాలలకు వెళ్లి తమ అనుభవాలను చెప్పి, వారిలో స్ఫూర్తి నింపేందుకు ప్రయత్నిస్తుంటారు. ఆయా స్కూల్స్ కు తమకు తోచిన సాయం చేస్తూ ఉంటారు. ఏదో ఒకసారి డబ్బులిచ్చి సాయం చేసేశాం అనుకోవడం కాకుండా.. ఓ టైం టేబుల్ ప్రకారం ఆయా స్కూల్స్ కు సెలబ్రిటీలు హాజరు కావాల్సి ఉంటుంది. ఈ సంస్థ కార్యకలాపాలకు మంచి గుర్తింపు ఉంది.

సుశాంత్ సోదరి సాహిత్య ఈ విషయంలో ఎంతో ముందుచూపుతో, ప్లానింగ్ ఉంటూ.. విద్యను అందరికీ పంచేందుకు కష్టపడుతోంది. గతంలో ఈమె డ్రంక్ అండ్ డ్రైవ్ లో పట్టుబడ్డంతో.. ఆమె స్కోడా కారును పోలీసులు సీజ్ చేసిన విషయం అందరికీ తెలిసిందే. నాణేనికి రెండు వైపులు అంటే ఇదేనేమో కదూ.!