బాగా పంచుకున్న కరెంట్ హీరో

సెలబ్రిటీలకు ఫాలోయర్స్ చాలామందే ఉంటారు. కానీ ఏదన్నా ఓ కీలకమైన నెంబర్ కు ఫాలోయర్స్ చేరినపుడు తమ కృతజ్ఞతలు చెప్పడం కూడా సాధారణమే. కానీ అక్కినేని వంశంలో వారసుడు సుశాంత్ మాత్రం తన థ్యాంక్స్ ను స్పెషల్ గా చెప్పి సర్ ప్రైజ్ చేశాడు. ఇప్పుడు ట్విట్టర్ లో సుశాంత్ ఫాలోయర్స్ సంఖ్య అక్షరాలా లక్షను దాటింది. మరి ఇంతమంది తనను ఫాలో అవుతున్నారంటే.. సుశాంత్ హ్యాపీగా ఫీల్ అవడా?

ఆ హ్యాపీనెస్ ని తనలో మాత్రమే దాచుకోకుండా.. తన అభిమానులకు, ఫాలోయర్స్ కి పంచాలని డిసైడ్ అయ్యాడు ఈ హీరో. అయితే ఇలా థ్యాంక్స్ చెప్పడాన్ని ఓ ట్వీట్ తో చెప్పేసే అలవాటు చాలామందికి ఉంది. కానీ ఇందులోనూ ప్రత్యేకమైన స్టైల్ చూపించాలని భావించిన సుశాంత్.. తన కృతజ్ఞతలను ఓ పేపర్ పై చేతితో స్వయంగా రాసి, ఆ పేపర్ ను ఫోటో తీసి పోస్ట్ చేశాడు. 'నా ట్విట్టర్ కుటుంబం ఇప్పుడు లక్ష దాటింది. మీ అందరి సపోర్ట్ కు కృతజ్ఞతలు. అయితే.. పిల్లల్లాగా ఎడమచేతి రాతకు మాత్రం క్షమించండి' అంటూ ఆ పేపర్ లో రాసి ఉంది.

సుశాంత్ రాసిన లెటరింగ్ చాలా కన్ఫ్యూజింగ్ గా, గజిబిజిగా ఉండడంతో.. ఏంటీ రైటింగ్ ఇలా ఉంది అనుకునే వాళ్లకోసం.. తనకు అలవాటు లేకపోయినా, సరదాగా ఇలా లెఫ్ట్ హ్యాండ్ తో రైటింగ్ ట్రై చేశాడన్న మాట. స్పెషల్ అంటే.. మరీ ఇంత స్పెషల్ ధ్యాంక్స్ చెప్పే ప్రయత్నం ఇప్పటివరకూ ఎవరూ చేయలేదు కదూ.