సుశాంత్ పేరిట వీధికి నామకరణం.. ఏరియా ప్రజల ఘననివాళి!!

బాలీవుడ్ యంగ్ హీరో సుశాంత్ సింగ్ రాజ్‌పుత్ సూసైడ్ ఘటన దేశవ్యాప్తంగా సంచలనంగా మారిన సంగతి తెలిసిందే. ఈ నెల 14న తన ఇంట్లోనే సుశాంత్ ఆత్మహత్యకు పాల్పడటంతో ఎన్నో అనుమానాలకు దారితీసింది. కెరీర్ పరంగా ఎంతో భవిష్యత్ ఉన్న సుశాంత్ ఇలా సూసైడ్ చేసుకోవడం మర్చిపోలేక పోతున్నారు. సుశాంత్ చనిపోయినపుడు అతని ఇంట్లో సూసైడ్ నోట్ లేకపోవడం.. పైగా ఎలాంటి ఆధారాలు కూడా లభించకపోవడంతో ఈ ఘటన ఎన్నో చర్చలను లేవనెత్తింది. సుశాంత్ డెత్ మిస్టరీ పై సోషల్ మీడియాలో ఎన్నో వార్తలు ప్రచారం జరిగాయి. ఇలాంటి పరిస్థితుల్లో 'గుడ్ బై సుశాంత్' అంటూ.. సుశాంత్ కుటుంబ సభ్యులు అధికారిక ప్రకటన విడుదల చేసి సుశాంత్ పేరిట ఫౌండేషన్ ఏర్పాటు చేయనున్నారు.

ఇదిలా ఉండగా.. సుశాంత్ రాజ్ పుత్ పేరిట ఓ ఏరియా ప్రజలు వారి వీధికి నామకరణం చేశారు. సుశాంత్ జన్మస్థలం అయిన పూర్ణియా ప్రజలతో అతనికి మంచి అనుబంధం ఉంది. సుశాంత్ చదువు ముగించుకొని ముంబై వెళ్లి సినీ హీరో అయి మంచి గుర్తింపు పొందాడు. కైపోచే.. ధోని.. రాబ్థా.. చిచ్చోరె.. ఇలా మంచి హిట్స్ కొట్టాడు. కానీ భౌతికంగా మన మధ్య లేదంటూ పూర్ణియా ప్రజలు ఇలా ఘన నివాళులు ప్రకటించారు. సుశాంత్ పేరు పెడితే ఆ వీధి పేరు చూసినప్పుడు ప్రతిసారి సుశాంత్ విజయాలను.. ప్రతిభను గుర్తుచేస్తుందని చెప్తున్నారు. నిజంగా పూర్ణియా ప్రజల నిర్ణయం ప్రస్తుతం దేశమంతా ఆశ్చర్యపోయేలా చేస్తోంది. ఒక వ్యక్తి పై కోపం ఎంతదూరం తీసుకెళ్తుందో తెలియదు కానీ అభిమానం మాత్రం ఇలా చిరకాలం నిలిచిపోయేలా చేస్తుందని మరోసారి గుర్తుచేశారు పూర్ణియా వాసులు. ఇక సుశాంత్ చివరిగా నటించిన దిల్ బేచారా ఈ నెల 24న హాట్ స్టార్ ఓటిటిలో విడుదల కానుంది. ఇప్పటికే విడుదల అయిన ట్రైలర్.. సాంగ్స్ సోషల్ మీడియాలో తెగ వైరల్ అవుతున్నాయి.