సుష్మిత సోదరుడి పెళ్లి.. ఫుల్ సందడి

మాజీ మిస్ యూనివర్స్.. సీనియర్ బాలీవుడ్ హీరోయిన్ సుష్మిత సేన్ కు రాజీవ్ సేన్ అనే ఒక సోదరుడు ఉన్నాడు. రీసెంట్ గా రాజీవ్ వివాహం అసోపా చారుతో గోవాలో బంధుమిత్రుల సమక్షంలో జరిగింది. ఈ సందర్భంగా సుష్మిత ఆనందం మామూలుగా లేదు. తన ప్రియమైన సోదరుడి వివాహానికి సంబంధించిన ఫోటోలు.. వీడియోలు ఇన్స్టా ఖాతా ద్వారా అభిమానులతో పంచుకుంది.

ఒక వీడియో ను షేర్ చేస్తూ "రాజీవ్ సేన్.. అసోపా చారు కు శుభాకాంక్షలు. మే గాడ్ బ్లెస్ యు. మీరు కలిసి ప్రారంభించబోయే ఈ కొత్త జీవితం మీకు అన్నీ సంతోషాలను ఇవ్వాలని కోరుకుంటున్నాను" అంటూ కొత్త జంటకు శుభాకాంక్షలు తెలిపింది. ఈ వివాహానికి పలువురు బాలీవుడ్ సెలబ్రిటీలు కూడా హాజరయ్యారు. సుష్మిత డేటింగ్ చేస్తున్న బాయ్ ఫ్రెండ్ రోమాన్ షాల్ కూడా వెడ్డింగ్ సెలబ్రేషన్స్ లో పాలు పంచుకున్నాడు.

ఇంతకీ సుష్మిత తమ్ముడు రాజీవ్ సేన్ ను ఇంతకు ముందు ఎప్పుడైనా చూశారా. మనిషి మహా పొడగరి. ఆరున్నర అడుగులు ఉంటాడు. మన మెగా ప్రిన్సు వరుణ్ తేజ్ కంటే ఒక ఇంచ్ ఎక్కువే ఉన్నట్టుగా ఉన్నాడు. ఆయన ఫోటోపై కూడా ఒక లుక్కేయండి. త్వరలో సినిమాల్లో కనిపిస్తాడేమో ఈ హ్యాండ్సమ్ హంక్!