గురుడు మాంచి రొమాంటిక్ అనుకుంట

ఆమె మ‌ధ్య‌ధ‌రా స‌ముద్రంలో ఈత కొట్టింది. అందుకు సంబంధించిన ఓ వీడియోని షేర్ చేసింది. ఇంతలోనే ఆయ‌న స్పందించారు. ఈత‌లో ఎంతో వేడిగా ఉన్నావు! అంటూ రొమాంటిక్ కామెంట్ కూడా చేశాడు. ఆమె వ‌య‌సు 46 .. అత‌డి వ‌య‌సు 58.. ప‌దేళ్లే గ్యాప్.. అయినా ఆ ఇద్ద‌రూ ఎవ‌రో మీకు ప‌రిచ‌యం అవ‌స‌రం లేదు. ది గ్రేట్ సుస్మితాసేన్.. వండ‌ర్ ఫుల్ బిజినెస్ మేన్ ల‌లిత్ మోడీల గురించే ఇదంతా.

మాజీ విశ్వ‌సుంద‌రి.. సీనియ‌ర్ న‌టి సుశ్మితాసేన్ ఇటీవ‌ల ఇండియన్ ప్రీమియర్ లీగ్ మొదటి ఛైర్మన్ లలిత్ మోడీతో తన అనుబంధంపై ఓపెనైన సంగ‌తి తెలిసిందే. విదేశీ వెకేష‌న్ నుంచి కొన్ని ఫోటోల‌ను షేర్ చేసి త‌మ రిలేష‌న్ షిప్ గురించి సామాజిక మాధ్య‌మాల్లో ప్ర‌క‌టించింది. దీనిపై ట్రోలర్లు చెల‌రేగ‌గా.. అంద‌రికీ కౌంట‌ర్లు ఇచ్చిన సుస్మితా సేన్ తాజాగా తన సార్డినియా వాకే నుండి మరో వీడియోను షేర్ చేసింది.

అయితే సుస్మిత త‌న బెట‌ర్ హాఫ్ ని మిస్ అవుతున్నట్లు కనిపిస్తోంది. తన ఇన్ స్టాగ్రామ్ స్పేస్ లో ఒక‌ త్రోబాక్ వీడియోను సుస్మితా సేన్ షేర్ చేసింది. ఈ వీడియోలో అద్భుతమైన మోనోక్రోమ్ స్విమ్ వేర్ ధ‌రించి యాచ్ లో కూర్చొని క‌నిపించింది. ఆ తర్వాత మెడిటరేనియన్ (మ‌ధ్య‌ధ‌రా) సముద్రంలో ఈత కొడుతూ క‌నిపించింది. ఈ వీడియోను షేర్ చేస్తూ ..మాజీ మిస్ యూనివర్స్ ఇలా రాసింది. ''సమలేఖనం చేయండి.. పాజ్ చేయండి.. ఊపిరి పీల్చుకోండి... వదలండి!! మధ్యధరా సముద్రం మెత్తని కౌగిలిని నేను అనుభవిస్తున్నప్పుడు త‌న‌ లొంగిపోవడం ఒక పాఠం!! దీనిని అందంగా సంగ్రహించాను.. అన్ని వేళ‌లా జీవితానికి ఎక్కడ లోతు ఉంటుందో...అదంతా నేను!! మీరంటే నాకు చాలా అభిమానం!!!'' అంటూ సుదీర్ఘ నోట్ ని రాసింది. ఇంతలో లలిత్ మోడీ ఈ పోస్ట్ పై వెంటనే స్పందించారు. సార్డినియాలో వేడిగా కనిపిస్తున్నారు.. అని రొమాంటిగ్గా స్పందించారు. అతను కామెంట్ సెక్షన్ లో రెండు ల‌వ్ ఎమోజీలను కూడా షేర్ చేశాడు.

అంతకుముందు సుస్మిత తన సార్డినియా వెకేషన్ నుండి షేర్ చేసిన ఫోటోల్లో ఎంతో వైబ్రేంట్ గా క‌నిపించింది. పింక్ కఫ్తాన్ .. సన్ గ్లాసెస్ లో సుష్ చాలా అందంగా కనిపించింది. ఈ ఫోటోలో ఆమె ఒక పడవలో పోజులిస్తూ క‌నిపించింది. ఈ ఫోటోల‌తో పాటు ''స్త్రీకి ఒక వైఖరి ఉంది!!! అవును.. నిజంగా మంచిది!!! అంటూ #strikeapose #clickclick I love you guys!!! #duggadugga #yourstruly హ్యాష్ ట్యాగుల్ని వైర‌ల్ చేసింది.

జూలై 14న లలిత్ మోడీ తన ''బెటర్ లుకింగ్ పార్ట్ నర్'' అంటూ సుస్మితా సేన్ వెల్ల‌డించింది. త‌మ‌ గ్లోబల్ టూర్ నుండి ఫోటోలను సోషల్ మీడియాలో పంచుకున్నారు. లలిత్ మోడీ - సుస్మితా సేన్ లు ''వివాహం చేసుకున్నారు'' అని నెటిజనులు ఊహించ‌గా.. మోడీ వెంట‌నే దానికి వివ‌ర‌ణ ఇస్తూ మరొక ట్వీట్ చేశాడు. ఇద్దరూ ఇప్పుడే డేటింగ్ చేస్తున్నామ‌ని ''వివాహం చేసుకోలేదు'' అని రాశారు. ''క్లారిటీ కోసం... పెళ్లి కాదు - ఒకరితో ఒకరు డేటింగ్ మాత్రమే. అది (పెళ్లి) కూడా ఏదో ఒక రోజు జరుగుతుంది'' అని అతడు పోస్ట్ చేశాడు.

తనకు పెళ్లి కాలేదు కానీ హ్యాపీ ప్లేస్ లో ఉన్నానని సుస్మిత సేన్ స్పష్టం చేసింది. ఆమె తన కుమార్తెలు అలీసా - రెనీతో కలిసి దిగిన సెల్ఫీని పోస్ట్ చేసి ''నేను సంతోషకరమైన ప్రదేశంలో ఉన్నాను!!! పెళ్లి చేసుకోలేదు... ఉంగరాలు లేవు... బేషరతుగా ప్రేమ చుట్టుముట్టి ఉంది'' అని తెలిపింది. ఇప్పుడు తిరిగి జీవితంలోకి వెళుతున్నా!!!ఐ లవ్ యూ అబ్బాయిలు!!! అంటూ టీజింగ్ కూడా చేసింది సుష్‌.

సుస్మిత చివరిసారిగా డిస్నీ+హాట్‌స్టార్ సిరీస్ 'ఆర్య'లో కనిపించింది. ఈ సిరీస్ మొదటి సీజన్ లో ఆమె నటనకు ఫిల్మ్‌ఫేర్ OTT అవార్డులలో ఉత్తమ నటి అవార్డును అందుకుంది.