అక్కినేని యంగ్‌ హీరో సినిమా ఎప్పుడో?

అక్కినేని హీరో సుశాంత్‌ ముఖానికి రంగేసుకుని చాలా కాలమే అయ్యింది. కాళిదాసు, కరెంట్‌, అడ్డా .. అతడు నటించిన సినిమాలు. వీటిలో తొలి రెండూ ఆశించిన ఫలితాన్ని ఇవ్వకపోయినా, అడ్డా మాత్రం ఫర్వాలేదనిపించింది. పూరి శిష్యుడు ఈ చిత్రానికి దర్శకత్వం వహించాడు. ఆ తర్వాత సుశాంత్‌ మరో చిత్రంలో నటించడానికి చాలా కాలమే వేచి చూడాల్సొచ్చిందంటే ఈ మధ్యలో ఏం జరిగింది?

అప్పట్లో జి.నాగేశ్వరరెడ్డి దర్శకత్వంలో సినిమా ఉందంటూ ప్రకటించారు. అయితే ఆ సినిమా ఎప్పటికి పూర్తవుతుంది అన్నదాంట్లో స్పష్టత లేనేలేదు. సుశాంత్‌ స్క్రిప్టు విషయంలో చాలా జాగ్రత్తలు తీసుకుంటున్నాడు. సుశాంత్‌ తల్లి నాగసుశీల స్క్రిప్టు సహా ప్రతి విషయంలోనూ ఎంతో శ్రద్ధ తీసుకుంటున్నారు. అందుకే ఈ ఆలస్యం అని భావించాల్సిందే. అంతేకాదు సుశాంత్‌ మునుపెన్నడూ కనిపించనంత కొత్తగా ఈ చిత్రంలో కనిపిస్తాడు. ప్రస్తుతం టాలీవుడ్‌లో కామెడీ సెటైర్‌ ట్రెండ్‌ నడుస్తోంది. అదే పంథాలో సుశాంత్‌ క్యారెక్టర్‌ ఉంటుంది. నవ్వులు పూయించే పాత్రలో సుశాంత్‌ కనిపిస్తాడని సమాచారం. శ్రీధర్‌ సీపాన ఈ చిత్రానికి కథ అందించారు.