బిగ్‌ బాస్ షోతో మ‌రోసారి లైమ్‌ లైట్‌లో కి

రేప్‌ లు చేసిన‌వాళ్లు.. దాడులు చేసిన‌వాళ్లు.. అవినీతిలో తిమింగ‌ళాలు.. తీవ్ర‌వాదులు, మాఫియాతో చేతులు క‌లిపిన‌వాళ్లు .. వ్య‌భిచార కూపంలో మునిగి తేలిన‌వాళ్లు.. ఇలాంటి వాళ్లంద‌రికీ ఓ అరుదైన వేదిక ఉంది. అదే బిగ్‌ బాస్ రియాలిటీ షో. ఇది బుల్లి తెర‌పై అత్యంత విజ‌య‌వంత‌మైన రియాలిటీ షో. ఇందులో పాల్గొన‌డానికి ముఖ్య‌మైన అర్హ‌త ఏదో ఒక సెన్సేష‌న్‌ కి కార‌కులు అయి ఉండ‌డ‌మే. అప్ప‌టికే ఉన్న పాపులారిటీని రెట్టిపు చేసుకునే ప్ర‌య‌త్నం చేయాలంటే ఈ షోలో పాల్గొన‌డ‌మే మందు. ఆ కోవ‌లోనే ఇప్ప‌టికే బోలెడంత మంది నేర‌స్తులు శిక్ష నుంచి బైటికి వ‌చ్చాక బిగ్‌బాస్ షోలో పాల్గొని షోకి క్రేజు తెచ్చారు. స‌ల్మాన్‌ ఖాన్‌, సంజ‌య్ ద‌త్‌, అర్ష‌ద్ వార్షీ వంటి వ్యాఖ్యాత‌లు దీనిని ర‌క్తి క‌ట్టించారు.

అప్ప‌ట్లో మాఫియా డాన్ అబూస‌లేంతో చెట్టాప‌ట్టాల్ అంటూ తిరిగిన మోనికా భేడీ ఆ త‌ర్వాత బిగ్‌ బాస్ షోలో పాల్గొంది. అలాగే వివాదాస్ప‌ద జ‌ర్న‌లిస్ట్ అసీమ్ త్రివేది ఇదే వేదిక ద్వారా పాపులారిటీ పెంచుకున్నాడు. న‌గ్న సుంద‌రి రాఖీ సావంత్‌, రేపిస్ట్ బాలీవుడ్ హీరో .. ఇలా చాలా మంది ఇదే షోతో పాపుల‌ర్ అయ్యారు. ఇప్పుడు వీళ్లంద‌రి బాట‌లోనే టాలీవుడ్ న‌టి శ్వేతాబ‌సు ప్ర‌సాద్ బిగ్ బాస్ షోతో అంద‌రిలోనూ పాపులారిటీ పెంచుకోవాల‌ని చూస్తోంది. శ్వేతాబ‌సు అప్ప‌ట్లో వ్య‌భిచారం చేస్తూ రెడ్ హ్యాండెడ్‌ గా ప‌ట్టుబ‌డింది. ఆ త‌ర్వాత జైలు జీవితం పూర్తి చేసుకుని, బైటి ప్ర‌పంచంలో అడుగుపెట్టింది. ఇప్పుడు త్వ‌ర‌లో ప్రారంభం కానున్న బిగ్‌బాస్ 9వ సీజ‌న్‌లో పాల్గొంటోంది. 100రోజుల పాటు సుదీర్ఘంగా సాగే ఈ షో క్రిస్మ‌స్ (డిసెంబ‌ర్ ఎండ్‌) నాటికి ముగుస్తుంది. బిగ్‌ బాస్ షోతో మ‌రోసారి లైమ్‌ లైట్‌లో కి వ‌స్తే శ్వేతాబ‌సుకి ముంబై ప‌రిశ్ర‌మ‌లో అవ‌కాశాలు పెరిగే ఛాన్సుంది. వెయిట్ అండ్ సీ.