నాగ్ కలలో కూడా వినలేని వ్యాఖ్యలు చేసిన శ్వేతారెడ్డి

బిగ్ బాస్ సీజన్ 3 ప్రారంభానికి ముందు నుంచి నడుస్తున్న వివాదాల గురించి ప్రత్యేకంగా ప్రస్తావించాల్సిన అవసరం లేదు. ఈ షోలో తొలుత ఎంపికైనట్లుగా చెప్పి.. తర్వాత రిజెక్ట్ చేశారని.. దీనిపై న్యాయపోరాటం చేయటంతో పాటు.. తమ పైవాళ్లను ఎలా శాటిస్టై చేస్తామని తనను అడిగారంటూ ఆమె చేసిన వ్యాఖ్యలు సంచలనంగా మారాయి. ఇదిలా ఉంటే.. గడిచిన కొద్ది రోజులుగా వివిధ రకాల వీదికలపై పోరాటం చేస్తున్న శ్వేతారెడ్డి తాజాగా సోమాజిగూడ ప్రెస్ క్లబ్ లో విలేకరుల సమావేశాన్ని నిర్వహించారు. ఆమెతో పాటు.. ఓయూ జేఏసీకి చెందిన విద్యార్థి నేతలు ఉన్నారు.

బిగ్ బాస్ షో కారణంగా సమాజానికి ఎలాంటి ప్రయోజనం లేదన్న శ్వేతారెడ్డి.. ఈ షో గురించి నాగార్జున బయటకు వచ్చి ప్రెస్ మీట్ పెట్టాలని డిమాండ్ చేశారు. డబ్బు కోసం నాగార్జున తన భార్య అమల.. తన కోడలు సమంతను బిగ్ బాస్ హౌస్ లో ఉంచుతారా? అంటూ తీవ్ర వ్యాఖ్య చేశారు. అంతేకాదు.. నాగ్ కు ఇప్పటివరకూ వినలేని ఎన్నో మాటల్ని.. నిందిల్ని ఆయన మీద వేస్తూ శ్వేతారెడ్డి తన ప్రెస్ మీట్ నిర్వహించారు.

తప్పు చేయకుంటే నాగ్ బయటకు వచ్చి ప్రెస్ మీట్ పెట్టాలన్న ఆమె.. హౌస్ లో మనుషుల్ని జంతువుల మాదిరి బంధించటం దుర్మార్గమన్నారు. నాగ్ కానీ స్పందించకుంటే తామే బిగ్ బాస్ హౌస్ ను ముట్టడిస్తామని హెచ్చరించారు. తమ ఉద్యమాన్ని నీటి బుడగగా అభివర్ణించటం విడ్డూరమన్న ఆమె.. నాగార్జును తీవ్ర పదజాలంతో దూషించారు. డబ్బుల కోసం నాగార్జున ఏమైనా చేస్తారా? అని ప్రశ్నించిన ఆమె.. మీ ఇంట్లో కూడా ఆడవాళ్లు ఉన్నారు నాగార్జున అంటూ తీవ్ర విమర్శలు చేశారు.

బిగ్ బాస్ హౌస్ 3లో ఎలాంటి అశ్లీలత లేకుంటే షో నుంచి బయటకు వచ్చి నాగార్జున ఎందుకు మీడియా మీట్ పెట్టలేదని ప్రశ్నించారు. బిగ్ బాస్ షోను రద్దు చేయాలని.. లేని పక్షంలో అన్నపూర్ణ స్టూడియో లోపల జరుగుతున్న ప్రాంతాన్ని తాము ముట్టడిస్తామన్నారు. రియాల్టీ షోలో మహిళల్ని అసభ్యంగా చూపిస్తే ఊరుకునేది లేదన్నారు. త్వరలో విడుదల కానున్న నాగార్జున మన్మధుడు 2 సినిమా విడుదల ను రాష్ట్రవ్యాప్తంగా అడ్డుకుంటామని హెచ్చరించారు. రియాల్టీ షోల లక్ష్యం డబ్బులే అయినప్పుడు.. దాని బదులుగా అశ్లీల చిత్రిల్ని తీసుకోవచ్చు కదా? అంటూ తీవ్ర పదజాలంతో విరుచుకుపడ్డారు.