షాకింగ్: సైరా మ్యూజిక్ డైరెక్టర్ మార్పు?

మెగాస్టార్ చిరంజీవి హీరోగా రూపొందుతున్న సైరా నరసింహారెడ్డికి సైతం సాహో లాంటి కష్టాలే వెన్నంటుతున్నాయి. ఇప్పటికే షూటింగ్ పూర్తి చేసుకున్న సైరాకు ప్రస్తుతం పోస్ట్ ప్రొడక్షన్ వర్క్ వేగంగా జరుగుతోంది. చిరు తన డబ్బింగ్ పూర్తి చేశారు. మిగిలిన ఆర్టిస్టుల డేట్స్ ని బట్టి వాళ్ళతో కూడా ఇంకో నెల రోజుల్లో పూర్తి చేస్తారు. దీనికి పాటలు బాలీవుడ్ కంపోజర్ అమిత్ త్రివేది అందించిన సంగతి తెలిసిందే.

అయితే ఫ్రెష్ అప్ డేట్ ప్రకారం ఆయనే బ్యాక్ గ్రౌండ్ స్కోర్ అందించడం లేదట. అధికారిక ప్రకటన రాలేదు కానీ విశ్వసనీయ సమాచారం మేరకు సైరా బీజీఎమ్ కోసం జూలియస్ పకియం ను తీసుకున్నట్టు వినికిడి. ఇతను ఇటీవలే సల్మాన్ ఖాన్ భారత్ కు స్కోర్ ఇచ్చాడు. దీనికి కారణాలు తెలియదు కానీ ఇప్పటికే అంగీకారం జరిగిపోయిందని తెలుస్తోంది

జూలియస్ మనకు పెద్దగా పరిచయం లేదు కానీ హిందీలో చాలా పాపులారిటీ ఉంది. సుల్తాన్ - టైగర్ జిందా హై - భాగీ 2 - కిక్ - ధూమ్ 3 లాంటి ఎన్నో సినిమాలకు ఇతని బీజీఎమ్ చాలా ప్లస్ అయ్యింది. సల్మాన్ ఖాన్ విపరీతంగా ఇష్టపడే ఈ జూలియస్ పకియంను ఆయన రికమెండేషన్ మీదే చరణ్ తీసుకున్నట్టు వినిపిస్తోంది.

ఫైనల్ అవుట్ ఫుట్ ఖచ్చితంగా బ్రహ్మాండంగా ఉంటుందని సల్మాన్ హామీ ఇచ్చాకే ఈ నిర్ణయం తీసుకున్నట్టు చెబుతున్నారు. దీనికి సంబంధించిన అఫీషియల్ అప్ డేట్ వస్తే కానీ మేమూ ఖరారుగా చెప్పలేం కానీ నిప్పు లేనిదే పొగరాదు తరహాలో ఇలాంటి లీకులు ఊరికే రావుగా