ఫ్లాష్‌: సైరా టీమ్ సునామీ ప్ర‌మోష‌న్స్

సైరా టీమ్ ఫ్ల‌డ్ లైట్స్ ఆన్ చేసింది. ఇక‌మీదట సునామీ ప్ర‌చారానికి షెడ్యూల్ ని ఖ‌రారు చేసింద‌ని తాజాగా లీక్ అందింది. ఉన్న‌ది ఏడు రోజులే.. ఇంకా ప్ర‌మోష‌న్స్ ఆశించిన స్థాయిలో లేవెందుకు? అంటూ అభిమానులంతా కంగారు ప‌డ్డారు. ఉయ్యాల‌వాడ కుటుంబీకుల భారీ డిమాండ్లు కోర్టు గొడ‌వ‌ల నేప‌థ్యంలో జోరు త‌గ్గిందా.. అంటూ క‌ల‌త‌కు గుర‌య్యారు. రిలీజ్ ముందు స‌రైన ప్ర‌మోష‌న్ లేదు .. పాన్ ఇండియా స్థాయి కాదు అని విశ్లేషించారు.

అయితే ఇంత‌లోనే మార్పు క‌నిపిస్తోంది. సైరా టీమ్ ఇక‌పై ఈ ఐదారు రోజుల్లోనే సునామీ ప్ర‌చారం చేయ‌నుంది. అది కూడా అన్ని మెట్రోలను చుట్టి రానుంద‌ని తెలుస్తోంది. బెంగ‌ళూరు.. చెన్న‌య్.. ముంబై.. కేర‌ళ‌లో భారీ ఈవెంట్ల‌కు ప్లాన్ చేశార‌ని వెల్ల‌డైంది. తొలిగా బెంగ‌ళూరుకు ఛ‌లో అంటూ చ‌ర‌ణ్ టీమ్ భారీ ప్ర‌ణాళిక‌ను షెడ్యూలింగ్ చేసింద‌ట‌.

ఇప్ప‌టికే సైరా కుటుంబ స‌భ్యులు చిరంజీవి- రామ్ చ‌ర‌ణ్ బృందాన్ని వారి ఇంట్లోనే క‌లుసుకున్న సంగ‌తి తెలిసిందే. ఇదే నేప‌థ్యంలో ఈ కొత్త షెడ్యూల్ తెర‌పైకి వ‌చ్చిందా.. ఇంకా డీటెయిల్డ్ ప్లానింగ్ ఏం చేస్తున్నారు? అన్న‌ది తెలియాల్సి ఉంది. అక్టోబ‌ర్ 2న గాంధీ జ‌యంతి కానుక‌గా మెగాస్టార్ చిరంజీవి న‌టించిన సైరా న‌ర‌సింహారెడ్డి అత్యంత ప్ర‌తిష్ఠాత్మ‌కంగా రిలీజ‌వుతోంది. కేవ‌లం మెట్రోల నుంచే 60-100 కోట్ల వ‌సూళ్లు పాన్ ఇండియాకు ద‌క్కుతున్నాయి. ఈ నేప‌థ్యంలో ప్ర‌చారం మ‌రింత క‌లిసొస్తుంద‌ని అంచ‌నా వేస్తున్నారు.