ఓ గాడ్.. ఆ కథలు కూడా కాపీనా?

టాలీవుడ్ కథలంటే బాలీవుడ్ వారికీ ఎంత ఇష్టమో ప్రత్యేకంగా చెప్పనక్కర్లేదు. అక్కడ స్టార్ హీరోలు కష్టకాలంలో ఉన్నప్పుడు మన కథల హక్కులను దక్కించుకొని రీమేక్ చేస్తుంటారు. చాలా వరకు రీమేక్ సినిమాలు మంచి హిట్ అవ్వడమే కాకుండా హీరోల కెరీర్ కు బూస్ట్ ని కూడా అందించాయి. కానీ ఎప్పుడు లేనిది టాలీవుడ్ కథలు కాపీ అనే విమర్శలు ఈ మధ్య ఎక్కువగా వినిపిస్తున్నాయి.

త్రివిక్రమ్ దర్శకత్వంలో తెరకెక్కిన అజ్ఞాతవాసి ఫ్రెంచ్ సినిమా లార్గోవించ్ కథను కరెక్ట్ గా దించేశారని టాక్ వచ్చింది. ఇక సినిమా రిలీజ్ తరువాత ఒరిజినల్ దర్శకుడు కూడా అదే మాట చెప్పాడు. అయితే ఆ ఒరిజినల్ కథ హక్కులను టి సిరీస్ పొందింది. దీంతో టీజర్ రిలీజ్ అయినప్పుడే అనేక రూమర్స్ వచ్చాయి. ఆ తరువాత ఒప్పందం కుదుర్చుకున్నారని టాక్ కూడా వచ్చింది. ఇక మరొక షాకింగ్ న్యూస్ ఏంటంటే మరికొన్ని కాపీ కథలు కూడా ఇప్పుడు టాలీవుడ్ లో తెరకెక్కుతున్నాయని గట్టిగా రూమర్స్ వస్తున్నాయి.

అంతే కాకుండా ఆ సినిమాలు కూడా సమ్మర్ లోనే రిలీజ్ అవుతున్నాయని ఆ సినిమా నిర్మాతలకు నోటీసులు అందించే ప్రయత్నాల్లో టీ సిరీస్ ఉన్నట్లు నార్త్ మీడియాల్లో కథనాలు వెలువడుతున్నాయి. మరి ఇది ఎంతవరకు నిజమో తెలియదు గాని సమ్మర్ లో మన స్టార్ హీరోలు కొంత మంది రాబోతున్నారు. దీంతో ఆ సినిమాలు కూడా కాపీనా అని సోషల్ మీడియాలో కామెంట్స్ వినిపిస్తున్నాయి.