ట్రాక్ లో పడుతున్న తాప్సీ

మొన్న విడుదలైన గేమ్ ఓవర్ సినిమాని సింగల్ హ్యాండెడ్ గా తాప్సీ తన భుజాల మీద మోసి ప్రేక్షకులను మెప్పించడంతో ఇప్పుడా పాజిటివ్ టాక్ కలెక్షన్స్ మీద ప్రభావం చూపుతోంది. ముఖ్యంగా ఏ సెంటర్స్ లో గేమ్ ఓవర్ మిగిలిన అన్ని సినిమాలను టేకోవర్ చేసింది. ఎడ్జ్ అఫ్ ది సీట్ థ్రిల్లర్ గా వస్తున్న ఫీడ్ బ్యాక్ పట్ల యూనిట్ హ్యాపీగా ఉంది. మొదట్లో బాగానే సినిమాలు చేసినా తర్వాత తెలుగులో దాదాపుగా తగ్గించేసిన తాప్సి రెండేళ్ళ క్రితం ఆనందో బ్రహ్మ గత ఏడాది నీవెవరో మాత్రమే చేసింది. అందులో మొదటిది హిట్ కాగా రెండోది ఆశించిన స్పందన దక్కించుకోలేదు.

ఇక హిందిలో తాప్సీ ప్రస్థానం మహా భేషుగ్గా ఉంది. పింక్ తో మొదలైన జైత్ర యాత్ర ఇప్పటి గేమ్ ఓవర్ దాకా కొనసాగుతోంది. మధ్యలో నాం షబానా - సుర్మ-మన్మరాజియా లాంటివి పరాజయం పాలైనా తనవరకు నటన పరంగా క్రిటిక్స్ నుంచి మంచి పేరు తెచ్చుకుంది .రిషి కపూర్ తో పోటాపోటీగా నటించిన ముల్క్ సైతం బ్లాక్ బస్టర్ కాకపోయినా మస్ట్ వాచ్ క్యాటగిరీలో విమర్శకులు దానికి పాజిటివ్ ఫీడ్ బ్యాక్ ఇవ్వడం తాప్సీ కి హెల్ప్ అయ్యింది.

ఇక బదలా ఓ రేంజ్ లో హిట్ కావడం అందులో పింక్ తర్వాత అమితాబ్ తో రెండోసారి నటించిన సినిమా వంద కోట్లకు చేరువగా వెళ్లడం ఒక్కసారిగా ట్రాక్ రికార్డుని పెంచింది. ఇప్పుడు వచ్చిన గేమ్ ఓవర్ సైతం అంచనాలకు తగ్గట్టే సాగుతోంది. తాప్సీ పెర్ఫార్మన్స్ ముందుగా చెప్పిన తర్వాత సినిమా గురించి మాట్లాడుతున్నారు అంటేనే అర్థం చేసుకోవచ్చు తన ఇంపాక్ట్ ఎంత ఉందొ. ఇప్పుడు మన తెలుగు నిర్మాతలు తాప్సీకి మళ్ళి ఆఫర్ల వెల్లువ కురిపిస్తారో లేదో చూడాలి