తాప్సీ క్రూర అవతారం చూడాల్సిందే

టాలీవుడ్ లో ఝుమ్మంది నాథం సినిమాతో ఎంట్రీ ఇచ్చిన సొట్టబుగ్గల సుందరి తాప్సి పన్ను వచ్చిన కొత్తలో స్టార్ హీరోయిన్స్ ని కొంచెం బయపెట్టిందే అని చెప్పాలి. అమ్మడు అందానికి అప్పట్లో ఫ్యాన్ ఫాలోయింగ్ అలా ఉండేది మరి. అది కూడా దర్శకేంద్రుడు రాఘవేంద్రరావు డైరెక్షన్ లో సినిమా చేయడంతో తాప్సి సినిమాలో చాలా అందంగా కనిపించింది. కేవలం ఆమె నవ్వుకే కుర్రకారు సినిమా థియేటర్స్ కి వెళ్లారు. కానీ సినిమా అంతగా అడకపోవడంతో పెద్దగా ఛాన్సులు రాలేదు.

అందంతో కొన్ని ఛాన్సులను దక్కించుకున్నా కూడా ఆ సినిమాలు అంతగా అడకపోవడంతో ఐరెన్ లెగ్ అనే టాక్ కూడా తెచ్చుకొంది. ఇక తర్వాత వచ్చిన అవకాశాల తోనే మొన్నటి వరకు కెరీర్ ను నెట్టుకొచ్చిన తాప్సి ఇటీవల బాలీవుడ్ లో జూడ్వా 2 అనే సినిమాలో నటించి మంచి గుర్తింపు తెచ్చుకుంది. ఆ సినిమాలో అమ్మడు బికినీ వేసుకున్న సంగతి తెలిసిందే. ఫైనల్ గా సినిమా హిట్ అవ్వడంతో మరికొన్ని బడా ప్రొడక్షన్ లో నుండి ఛాన్సులను వస్తున్నాయి. రీసెంట్ గా ఒక కల్ట్ సినిమాలో నటించే ఛాన్స్ ను తాప్సి దక్కించుకొంది.

బాలీవుడ్ ప్రముఖ దర్శకుడు అనురాగ్ కశ్యప్ నెక్స్ట్ ఫిల్మ్ లో తాప్సి కీ రోల్ పోషించనుందట. ఈ కల్ట్ ఫిల్మ్ మేకర్ త్వరలోనే సినిమాను సెట్స్ పైకి తీసుకెళ్లనున్నాడట. అయితే ఈ విషయం ఇంకా అధికారికంగా వెలువడలేదు. త్వరలోనే దర్శకుడు ప్రెస్ మీట్ నిర్వహించి మొత్తం వివరాలను తెలియజేస్తాడాట. ప్రముఖ నిర్మాత ఆనంద్ కుమార్ ఎల్ రాయ్ ఈ సినిమాను నిర్మించనున్నారట. అయితే అనురాగ్ సినిమాలంటే కాస్త క్రూరంగా ఉంటాయి. ఒకవేళ తాప్సీ బాధితురాలిగా చేసినా.. బాధ్యతగా విలనీ పోషించినా.. క్రూరంగానే ఉండే ఛాన్సుంది. మరి చూడాలి ఏమవుతుందో.