అబ్బ.. తాప్సీ ఇప్పటికి కనిపించింది

ఢిల్లీ భామ తాప్సీ పన్ను జనాలకు కనిపించి చాలాకాలమే అయింది. అప్పుడెప్పుడో ఘాజీ షూటింగ్ కోసం హైద్రాబాద్ లో సందడి చేసిన తర్వాత.. అసలెక్కడా అడ్రస్ కనిపించని ఈ భామ.. ఇప్పుడు జాగ్రణ్ ఫిలిం ఫెస్టివల్ లో సందడి చేసింది. బ్లూ కలర్ ఔట్ ఫిట్స్ తో స్లీవ్ లెస్ డ్రెస్ వేసుకుని చూడముచ్చటగా ఉంది తాప్సీ. అయితే.. బాలీవుడ్ లో జరిగిన ఈ అవార్డ్ ఫంక్షన్ లో కనిపించిన తాప్సీ.. ఈ మధ్య టాలీవుడ్ లో మాత్రం కనిపించడం లేదు.

రీసెంట్ గా టాలీవుడ్ కి సంబంధించి మూడు భారీ అవార్డ్ ఫంక్షన్స్ జరిగాయి. సినీ మా అవార్డ్స్.. ఫిలింఫేర్ అవార్డ్స్.. సింగపూర్ లో జరిగిన సైమా అవార్డ్స్. ఈ మూడు కార్యక్రమాలకు దాదాపు టాలీవుడ్ అంతా తరలి వచ్చింది. అయితే.. ఒక్క ఈవెంట్ లో కూడా తాప్సీ కనిపించలేదు. ఈ భామ రాలేదో.. లేక ఈమెను ఎవరూ పిలవలేదో అర్ధం కాలేదు కానీ.. తాప్సీ దర్శనం మాత్రం కాలేదు. అయితే.. టాలీవుడ్ లో మాత్రం ఈమె తెలుగు ఫంక్షన్స్ ను అవాయిడ్ చేస్తోందనే టాక్ గట్టిగానే వినిపిస్తోంది.

ఇప్పుడు అమితాబ్ తో పింక్ మూవీలో కనిపిస్తుండడం.. బాలీవుడ్ నుంచి మంచి ఆఫర్స్ వస్తుండడంతో తెలుగు సినిమాపై తాప్సీకి చిన్నచూపు అంటున్నారు. ఎన్నేళ్లు ప్రయత్నించినా ఇక్కడ సరైన బ్రేక్ లభించలేదనే ఫీలింగ్ లో తాప్సీ ఉందనే టాక్ వినిపిస్తోంది. ఇప్పటికైతే ఇవన్నీ రూమర్లే కానీ.. ఇదే టైపులో తాప్సీ కంటిన్యూ చేసిందంటే మాత్రం.. ఈ గాసిప్పులు నిజాలయిపోతాయ్.