తాప్సీ రొట్టె నెయ్యిలో?

సౌత్ నుంచి బాలీవుడ్ కి జంప్ చేసిన తాప్సీ ముంబై ప‌రిశ్ర‌మ‌లో ఒక్కో అడుగు తెలివిగా వేస్తున్న సంగ‌తి తెలిసిందే. ప్ర‌తి అడుగులో తాప్సీకి గుర్తింపు పెరుగుతోందే కానీ చెత్త పెర్ఫామ‌ర్ అన్న నెగెటివ్ టాక్ మాత్రం లేదు. నెమ్మ‌దిగా ఈ భామ‌కు ఓ స్థానం ఏర్పడింది. త‌న‌కంటే ముందే సౌత్ నుంచి ఎంద‌రో భామ‌లు వెళ్లినా వాళ్ల‌లో ఎవ‌రూ సాధించ‌లేనిది తాప్సీ సాధిస్తోంది. అశిన్‌, కాజ‌ల్, త‌మ‌న్నా, త్రిష వంటి భామ‌లు కేవ‌లం గ్లామ‌ర‌స్ పాత్ర‌ల‌కే అంకిత‌మైతే తాప్సీ త‌న‌కంటూ ఓ ప్ర‌త్యేక‌ గుర్తింపు తెచ్చే పాత్ర‌ల్ని ఎంచుకుంటూ ప్ర‌తిభావ‌ని గా మార్కులు కొట్టేస్తోంది.

పింక్, నామ్ షబానా, మ‌న్మార్జియాన్ వంటి చిత్రాల‌తో తాప్సీ విజ‌యాలు అందుకుంది. ఆ మూడు సినిమాల్లో మ‌హిళ‌గా బ‌ల‌మైన ముద్ర వేసే పాత్ర‌ల్ని ఎంపిక చేసుకుంది ఈ పంజాబీ బ్యూటీ. ఆ క్ర‌మంలోనే త‌న‌కంటూ ఓ ప్ర‌త్యేక‌మైన ఫ్యాన్ ఫాలోయింగ్ ఏర్ప‌డింది. తాజాగా తాప్సీ న‌టించిన `బ‌ద్లా` మూవీ రిలీజైంది. సుజోయ్ ఘోష్ ద‌ర్శ‌క‌త్వ ం వ‌హించిన‌ ఈ చిత్రంలో అమితాబ్ బ‌చ్చ‌న్ లాంటి సీనియ‌ర్ తో క‌లిసి అద్భుత‌మైన పెర్ఫామెన్స్ తో ఆక‌ట్టుకుంద‌ని పేరొచ్చింది. ఇటీవ‌లే రిలీజైన బ‌ద్లా చిత్రానికి విమ‌ర్శ‌కుల నుంచి మిశ్ర‌మ స్ప ంద‌న‌లు వ‌చ్చాయి.

తాప్సీ ఈ చిత్రంలో నైనా సేథి అనే బిజినెస్ ఉమెన్ పాత్ర‌లో న‌టించింది. ఓ హ‌త్య నేప‌థ్య ంలో ఆద్య ంతం ఉత్క ంఠ క‌లిగించే ట్విస్టులు, ట‌ర్నుల‌తో సుజోయ్ ఈ చిత్రాన్ని మలిచిన తీరుకు ప్ర‌శంస‌లు వ‌చ్చాయి. ఎవ‌రు ఏమిటి? అన్న‌ది అర్థం కాని ట్విస్టులు వెంటాడ‌తాయట‌. ఈ చిత్రంలో తాప్సీతో పాటు అమృత సింగ్ ఓ కీల‌క పాత్ర‌లో న‌టించారు. స్పానిష్ సినిమా `ఇన్విజిబుల్ గెస్ట్` ఆధారంగా ఈ చిత్రం తెర‌కెక్కింది. అయితే ఓపెనింగ్ డే ఉన్న జోష్ ఆ త‌ర్వాత కూడా వ‌సూళ్ల‌లో ఉంటుందా? ఈ సినిమా బాక్సాఫీస్ వ‌ద్ద ఏ స్థాయి విజ‌యం అందుకుంటుంది? అన్న‌ది కాస్త వేచి చూస్తే కానీ చెప్ప‌లేం. అస‌లైన ప‌రీక్ష సోమ‌వారం నుంచి ఉంటుంది కాబ‌ట్టి ప‌బ్లిక్ లో వాస్త‌వ రిపోర్ట్ ఏంటి? అన్న‌ది వేచి చూడాలి.