అమ్మో.. తాప్సీ అంత బిజీనా

సినిమాల్లో అరంగేట్రం చేసినప్పటికి.. ఇప్పటి తాప్సికి చాలా తేడా ఉంది. యాక్టింగ్ పరంగానే కాదు.. ట్యాలెంట్ చూపించడంలో కూడా బాగా తెలివిమీరిపోయింది. ప్రస్తుతం తన కెరీర్ లోనే పీక్ స్టేజ్ లో ఉన్న తాప్సీ పన్ను.. రాబోయే ఆరు నెలలు ఎంత బిజీగా ఉండనుందంటే.. అమ్మడికి ఊపిరి పీల్చుకోవడానికి కూడా టైమ్ ఉండదేమో అనిపించక మానదు.

ప్రస్తుతం లండన్ లో ఉన్న ఈ ఢిల్లీ బ్యూటీ.. సాకిబ్ సలీమ్ తో చేస్తున్న సినిమా షూటింగ్ లో పాల్గొంటోంది. ఇది పూర్తవగానే.. ప్రకాష్ రాజ్ దర్శకుడిగా హిందీ సినీ రంగ ప్రవేశం చేస్తూ తీస్తున్న తడ్కా చిత్రం షూటింగ్ లో భాగం కావాల్సి ఉంది. ప్రస్తుతం ఈ అమ్మడికి బాలీవుడ్ నుంచి విపరీతంగా ఆఫర్లు వచ్చిపడుతున్నాయి. నీరజ్ పాండే నిర్మించనున్న నెక్ట్స్ ప్రాజెక్టుకు కూడా తాప్సీ సైన్ చేయగా.. ఇది కూడా ఈ ఏడాదే షూటింగ్ ప్రారంభం కానుంది. దీంతో పాటే అమితాబ్ బచ్చన్ తో కలిసి చేసిన పింక్ మూవీకి ప్రమోషన్స్ లో పాల్గొనాల్సి ఉంది తాప్సీ.

ఇదే ఏడాదిలో దగ్గుబాటి రాణాతో కలిసి నటించిన పీరియాడికల్ మూవీ ఘాజీ కూడా విడుదల కానుండగా.. దాని ప్రమోషన్స్ కూడా చేయాల్సి ఉంటుంది. ఇక రత్న సిన్హా దర్శకత్వంలో రాజ్ కుమార్ రావ్ తో కలిసి ఓ సినిమా చేయాల్సి ఉంది. 2016 సెకండాఫ్ అంతా తాప్సీ పన్ను పనే పని. ఎక్కడా కాసింత కూడా గ్యాప్ తీసుకునే ఛాన్స్ లేదు.