ఆ కాలంలో పనిలేని తాప్సీయేనా??

టాలీవుడ్ బ్యూటీ తాప్సీ పన్ను ఇప్పుడు బాలీవుడ్ లో ఫుల్ బిజీ హీరోయిన్ అయిపోయింది. అక్కడ జుడ్వా2.. ఇక్కడ ఆనందో బ్రహ్మ అంటూ ఒకేసారి రెండు పెద్ద హిట్స్ కొట్టేసిన తర్వాత ఈ భామకు డిమాండ్ మరింతగా పెరిగిపోయింది. ఇప్పుడీ ఢిల్లీ బ్యూటీ షూటింగులతో తెగ బిజీబిజీగా గడిపేస్తోంది.

అనురాగ్ కశ్యప్ మూవీ మన్మర్జియాన్ లో అభిషేక్ బచ్చన్ తో కలిసి నటిస్తున్న తాప్సీ పన్ను.. అమృత్ సర్ లో షూటింగ్ చేస్తోంది. ఇదే సమయంలో హైద్రాబాద్ లో ఆది పినిశెట్టితో కలిసి ఓ సినిమా చేస్తోంది తాప్సీ. ఈ రెండు చిత్రాలకు మాత్రమే కాకుండా.. మరో రెండు కమర్షియల్స్ కోసం కూడా షూటింగ్ జరుగుతుండగా.. అన్నిటినీ కవర్ చేసేస్తూ.. తెగ బిజీగా దేశమంతా చక్కర్లు కొట్టేస్తోంది. ముల్క్ అనే చిత్రాన్ని రిలీజ్ కి రెడీ చేసేసిన తాప్సీ.. హాకీ ప్లేయర్ పై తీస్తున్న సూర్మాలో కూడా యాక్ట్ చేస్తోంది. ఈమె సినిమా రిలీజ్ ల మధ్య గ్యాప్ ఉండేలా చూసుకుంటున్నారట నిర్మాతలు. ఆమె ఒక్క ప్రమోషన్ యాక్టివిటీ కూడా మిస్ కాకుండా ఉండేలా ప్లాన్ చేసుకుంటున్నారట.

అదంతా చూస్తే తాప్సీకి ఇంత క్రేజ్ ఏంటా అనిపిస్తుంది. ఒకప్పుడు వరుస ఫ్లాపులతో అసలు పనే లేని తాప్సీ.. ఇప్పుడు అంత బిజీ అయిపోయింది. తమిళ్ లో వచ్చిన గౌరి మూవీలో ఈమె నటనకు మంచి క్రేజ్ వచ్చిన తర్వాత.. బాలీవుడ్ లో ఛాన్స్ రావడం.. అక్కడ పాతుకుపోవడం వరుసగా జరిగిపోయాయి. ఇప్పుడు మోస్ట్ బిజీ హీరోయిన్లలో ఒకరిగా మారిపోయింది తాప్సీ.