మ‌గ‌రాయుడు తాప్సీ.. అభిమాని కామెంట్

సోష‌ల్ మీడియా ఉధృతి మొద‌లైన ద‌గ్గ‌రి నుంచి ట్రోల‌ర్స్ ఏ ఒక్క‌రినీ వ‌ద‌ల‌డం లేదు. చిన్నా పెద్దా.. స్టార్ హీరో.. స్టార్ హీరోయిన్‌.. పొలిటిక‌ల్ లీడ‌ర్ .. ఇలా ఎవ‌రు చిన్న పోస్ట్ పెట్టినా ఓ రేంజ్ లో ట్రోల్ చేస్తున్నారు. ఇక సినీ స్టార్స్ గురించి అయితే ప్ర‌త్యేకంగా చెప్పాల్సిన ప‌ని లేదు. ఏ చిన్న అవ‌కాశం చిక్కినా .. వారి నుంచి ఏ చిన్న పొర‌పాటు దొర్లినా అడ్డంగా బుక్ చేస్తున్నారు. నెట్టింట ఓ రేంజ్ లో ఆడేసుకుంటున్నారు. గ‌త కొంత కాలంగా ట్రోల‌ర్స్ కి చిక్కి వార్త‌ల్లో నిలుస్తోంది హీరోయిన్‌ తాప్సీ.

తెలుగు సినిమాకు గుడ్ బై చెప్పేసి బాలీవుడ్ చెక్కేసిన తాప్సీ అక్క‌డ లేడీ ఓరియెంటెడ్ చిత్రాల‌కు కేరాఫ్ అడ్ర‌స్ గా నిలుస్తోంది. `బేబీ` మూవీతో మంచి గుర్తింపుని ద‌క్కించుకున్న తాప్సీ న‌టిస్తున్న‌తాజా చిత్రం `రష్మి రాకెట్‌`. ఓ లేడీ అథ్లెట్ స్టోరీ నేప‌థ్యంలో ఈ మూవీ సాగుతుంది. ఇందులో అథ్లెట్ గా తాప్సీ న‌టిస్తోంది. దీంతో ఆమె మ‌రోసారి వార్తల్లో నిలిచింది. తాజాగా ఈ సినిమా నుంచి త‌న లుక్ కు సంబంధించిన ఒక ఫొటోని సోష‌ల్ మీడియాలో పోస్ట్ చేసింది తాప్సీ. ఈ స్టిల్‌లో టోన్డ్ బాడీతో మ‌గ‌రాయుడిలా కనిపిస్తోంది.

అయితే ఈ స్టిల్ పై కామెంట్ ల వ‌ర్షం మొద‌లైంది. బాలీవుడ్ మీడియాకు చెందిన ఓ యంగ్ గై `ఇది ఒక మ‌గ‌రాయుడి బాడీ ఇలాంటి బాడీని కేవ‌లం తాప్సీ మాత్రమే కలిగి ఉంటుంది అని కామెంట్ చేశాడు. ఈ కామెంట్ కి ఆమె బలమైన సమాధానంతో తిప్పి కొట్టింది. త‌న‌ని కామెంట్ చేసిన వ్య‌క్తిని ఉద్దేశించి తాప్సీ ఘాటుగా రిప్లై ఇచ్చింది. `నేను చెప్పేది ఒక్కటే. ఈ లైన్ ని గుర్తుంచుకుని 23 సెప్టెంబర్ కోసం వేచి ఉండండి` అంటూ న‌వ్వుతున్న ఈమోజీని పోస్ట్ చేసింది. అంతే కాకుండా ఈ కామెంట్‌ కోసం నేను నిజంగా చాలా కష్టపడ్డాను` అని రిప్లై ఇచ్చింది.