ఆమె మిలియన్ క్లబ్.. పవన్‌ కు సంకటం

ట్విట్టర్ లో హీరోయిన్లను అనుసరించే వారి సంఖ్య పది లక్షలు చేరడం.. దానికి వాళ్ల తెగ ఆనందపడిపోతూ ఓ బిగ్ థ్యాంక్స్ చెప్పడం మామూలు విషయమే. ఐతే ఇంతకుముందు హీరోయిన్లు ఇలా తమ ఆనందాన్ని పంచుకుంటుంటే అందరూ లైట్ తీసుకునేవారు కానీ.. ఇప్పుడు మాత్రం అదోలా చూస్తున్నారు. దీనికి రామ్ గోపాల్ వర్మ పెట్టిన ఫిట్టింగే కారణం.

ఈ మధ్య పవన్ కళ్యాణ్ ట్విట్టర్ ఫాలోయర్ల సంఖ్య చాలా తక్కువుండటం చూసి వర్మ తెగ ఫీలైపోయిన సంగతి తెలిసిందే. మహేష్ ఫాలోవర్ల కంటే కంటే పవన్ ఫాలోయింగ్ తక్కువగా ఉండటం గురించి.. పవన్ ఫాలోయిర్ల కంటే హీరోయిన్ల ఫాలోయర్లు ఎన్నో రెట్లు ఉండటటం గురించి ప్రస్తావించి పవర్ స్టార్ అభిమానుల్ని తెగ ఇబ్బంది పెట్టేశాడు వర్మ. ఆ సందర్భంలో ట్విట్టర్ లో మాంచి ఫాలోయింగ్ ఉన్న సమంత - త్రిష లాంటి వాళ్ల గురించి ప్రస్తావన చేశాడు వర్మ. త్రిష 2 మిలియన్ క్లబ్బులోకి అడుగుపెట్టగా.. సమంత ఫాలోయర్లు దాదాపు 1.7 మిలియన్లున్నారు.

ఇప్పుడు స్టార్ హీరోయిన్ల జాబితాలో లేని తాప్సి సైతం మిలియన్ క్లబ్బులో అడుగుపెట్టేసింది. ఇటీవలే ఆమె ఫాలోవర్ల సంఖ్య 10 లక్షలు దాటిపోయింది. ఈ సందర్భంగా తాప్సి తన మిలియన్ ఫ్యామిలీకి థ్యాంక్స్ చెబుతూ.. వీడియో ద్వారా ఓ పెద్ద ముద్దు కూడా ఇచ్చింది. మరి తాప్సి మిలియన్ క్లబ్బులో చేరిన సంగతి వర్మ గుర్తించాడో లేదో.. ఇంకోసారి పవన్ ను, పవన్ అభిమానుల్ని గిల్లడానికి మంచి రీజన్ దొరికింది కదా.