తాప్సీ కొత్త పరుగు అదిరిందిగా

ఢిల్లీ బ్యూటీ తాప్సీ పన్ను కెరీర్ ఇప్పుడు కొత్త ట్రాక్ ఎక్కేసిన పరుగులు తీసేస్తోంది. సౌత్ లో ఉన్నన్ని ఏళ్లు.. గ్లామర్ రోల్స్ కే పరిమితం అయ్యి ఐరన్ లెగ్ అని స్టాంప్ వేయించుకున్న తాప్సీ.. గంగ అంటూ హిట్ కొట్టిన తర్వాత.. బాలీవుడ్ వెళ్లి చెలరేగిపోతోంది. అక్షయ్ కుమార్ తో బేబీ.. రీసెంట్ గా అమితాబ్ తో కలిసి పింక్ చిత్రాల్లో మెప్పించిన తాప్సీ.. ఇప్పుడు నామ్ షబానా అంటూ ప్రేక్షకుల ముందుకు రాబోతోంది.

బేబీ మూవీలో అక్షయ్ కుమార్ లీడ్ రోల్ లో నటించగా.. బేబీ అనే టీంలో తాప్సీ కూడా ఒక భాగం అంతే. ఆ చిత్రంలో షబానా కైఫ్ అనే పాత్రను తాప్సీ పోషించగా.. ఇప్పుడు ఆ పాత్రనే లీడ్ గా తీసుకుని.. నామ్ షబానా తీసేస్తున్నారు. 'బేబీకి ముందు.. ఆమె కథ' అంటూ పోస్టర్ లో చెప్పేయడంతో.. ఈ చిత్రం బేబీకి ప్రీక్వెల్ అనే విషయం అర్ధమవుతోంది. నామ్ షబానా కొత్త పోస్టర్ ను షేర్ చేసిన తాప్సీ పన్ను.. 'మీకు ఆమె ఎక్కడి నుంచి వచ్చిందో తెలుసు. కానీ తన ప్రయాణం మీకు తెలీదు' అంటూ ఇంట్రెస్టింగ్ కామెంట్ పెట్టింది. ఈ పోస్టర్ లో రేసర్ టైపులో పరిగెడుతున్న తాప్సీని చూస్తే.. ప్రస్తుతం తాప్సీ కెరీర్ ని ఇండికేట్ చేస్తున్నట్లుగా అనిపిస్తుంది.

బాలీవుడ్ లో హీరోయిన్ ఓరియెంటెడ్ మూవీ చేసే రేంజ్ కి ఎదిగిదంటే.. తాప్సీ కెరీర్ ఏ రేంజ్ లో వెలిగిపోతోందో అర్ధమవుతుంది. మార్చ్ 31న నామ్ షబానా రిలీజ్ కానుండగా.. నీరజ్ పాండే నిర్మాణం కావడంతో.. అంచనాలు ఎక్కువగానే ఉన్నాయి.

Like Us on Facebook : https://www.facebook.com/Tupakidotcom/