తాప్సి వేస్తున్న జోకులు చూడండి

మొన్నటిదాకా సౌత్ సినిమా గురించి తాప్సి ఎంత తేలిగ్గా మాట్లాడిందో తెలిసిందే. ఏదో కాలం కలిసొచ్చి బాలీవుడ్లో ‘పింక్’ లాంటి సినిమాలు ఒకట్రెండు పడేసరికి అమ్మడి దశ తిరిగిపోయింది కానీ.. అక్కడ గ్లామర్ రోల్స్ దక్కి ఉంటే సౌత్ లో మాదిరే అందాలు ఆరబోసేదనడంలో సందేహాలేమీ లేవు. అక్కడ మంచి పాత్రలు దక్కేసరికి సౌత్ సినిమాల్లో హీరోయిన్లంతా గ్లామర్ డాల్స్ అన్నట్లుగా మాట్లాడింది. పర్టికులర్ గా తెలుగు సినిమాల మీద కూడా కామెంట్లు చేసింది. అప్పుడు తెలుగు సినిమాను అంత తేలిక చేసిన మాట్లాడిన తాప్సి.. ఇప్పుడు మాత్రం తెలుగులో తనకున్న ఫాలోయింగ్ ను క్యాష్ చేసుకోవాలని చూస్తోంది.

తాప్సి ప్రధాన పాత్రలో తెరకెక్కిన బాలీవుడ్ మూవీ ‘నామ్ షబాన’ తెలుగులోనూ రిలీజవుతుండటం విశేషం. ‘నేనే షబాన’ పేరుతో ఈ చిత్రాన్ని అనువాదం చేస్తున్నారు. ఆల్రెడీ తెలుగు వెర్షన్ పోస్టర్ కూడా లాంచ్ చేశారు. త్వరలోనే ట్రైలర్ కూడా వదులుతారట. తెలుగు వాళ్లను ఎలా మరిచిపోతా.. వాళ్ల కోసమే ఈ సినిమాను తెలుగులోకి తెస్తున్నాం అంటూ ఏదో మనవాళ్లపై అమితమైన ప్రేమ ఉన్నట్లుగా ట్విట్టర్లో కామెంట్ చేస్తూ ఈ సినిమా ఫస్ట్ పోస్టర్ రిలీజ్ చేసింది తాప్సి. అవసరానికి తగ్గట్లు సెలబ్రెటీలు ఎలా మాట్లాడతారు అనడానికి ఇది రుజువు. ఐతే ఏమాటకామాటే చెప్పుకోవాలి.. ‘నామ్ షబాన’ ట్రైలర్ అయితే అదిరిపోయింది. ‘బేబీ’కి ప్రీక్వెల్ గా తెరకెక్కిన ఈ చిత్ర కథంతా తాప్సి చుట్టూనే తిరుగుతుంది. ఇందులో ఆమె సీబీఐ సీక్రెట్ ఏజెంట్ గా కనిపిస్తుంది.

Like Us on Facebook : https://www.facebook.com/Tupakidotcom/