తాప్సి ఇబ్బందిపడుతోందట

ఏ నటుడికి అయినా వారికంటూ ఒక మంచి కథ దొరికితే నిరూపించుకోవాలని చాలా తాపత్రయపడుతుంటారు. వారు అందంగా లేకపోయినా వారి నటన అందరిని ఆకట్టుకుంటే సెలబ్రెటీ అనే అందం అప్పుడే మోహంలో కనిపిస్తుంది. ముఖ్యంగా హీరోయిన్స్ ఈ మధ్య కాలంలో ఎంత అందంగా ఉన్నా సరైన కథలు దక్కకపోతుండడంతో కెరీర్ సక్సెస్ లో కొంచెం వెనుకబడిపోతున్నారు. అయితే తాప్సి అదృష్టం కూడా టాలీవుడ్ లో ఉన్నంత వరకు అలానే ఉండేది.

కానీ అమ్మడు ఎప్పుడైతే బాలీవుడ్ లో అడుగుపెట్టిందో అప్పటి నుంచి సినిమా సినిమాకి చాలా డిఫెరెంట్ గా కనిపిస్తోంది. ముఖ్యంగా జుడ్వా సినిమాతో మంచి అవకాశాలను కూడా అందుకుంటోంది. తాప్సి కూడా.. తాను చేసిన పాత్ర అలాగే సినిమా విభిన్న కథాంశంతో తెరకెక్కుతున్నాయి అని ప్రతి సారి చెప్పుకోవడం చాలా ఇబ్బందిగా ఉందని చెబుతోంది. ఓ విధంగా ఇది నిజమే అని చెప్పాలి. ఎందుకంటే కొన్ని నెలల క్రితం ఆనందో బ్రహ్మ సినిమాతో వచ్చిన వచ్చిన సంగతి తెలిసిందే.

రెగ్యులర్ హారర్ కథలకు ఆ కథ కొంచెం భిన్నంగానే ఉందని చెప్పాలి. ఇక రానా తో తీసిన ఘాజి సినిమా కూడా చాలా విభిన్న కథాంశం. అంతకుముందు బాలీవుడ్ లో తీసిన పింక్ సినిమాలో కూడా తాప్సి కొత్తగా కనిపించింది. బేబీ - నామ్‌ షబానా వంటి సినిమాలు కూడా విభిన్న కథలే. ప్రస్తుతం చేస్తోన్న చిత్రాలు కూడా కొత్త తరహాలో ఉన్నాయి. హాకీ ప్లేయర్ సందీప్ సింగ్ బయోపిక్ - సుర్మా.. అమ్మడి కెరీర్ కి చాలా ముఖ్యమట ఆ సినిమాలో తప్పకుండా తన నటన చాలా బావుంటుందని తెలిపింది.