అందుకే ఫోటోలు రాలేదు -తాప్సీ

కెరీర్ లోనే బిగ్గెస్ట్ హిట్స్ సాధించిన తర్వాత.. ఇప్పుడు తాప్సీ చాలా సెలెక్టివ్ గా సినిమాలు చేస్తోంది. అందులో దగ్గుబాటి రాణాతో కలిసి నటిస్తున్న గాజీ కూడా ఒకటి. యుద్ధ సమయంలో అనూహ్యంగా మునిగిపోయిన సబ్మెరైట్ పీఎన్ ఎస్ గాజీ ఆధారంగా ఈ స్టోరీ రాసుకున్నారు. ప్రస్తుతం హైద్రాబాద్ పరిసరాల్లో ఈ మూవీ షూటింగ్ శరవేగంగా జరుగుతోంది.

హైద్రాబాద్ లో గాజీ షూటింగ్ జరుగుతోందని చెప్పడమే కానీ.. ఇప్పటివరకూ ఆ మూవీలో కేరక్టర్స్ గురించి కానీ, సబ్ మెరైన్ గురించి కానీ చిన్న లీక్ కూడా ఇవ్వలేదు యూనిట్. నిజమైన సబ్ మెరైన్ ని తలపించేలా ఓ భారీ సెట్ ని కూడా నిర్మించినా.. దాన్ని కూడా లీక్ చేయలేదు. ఈ సినిమాలో శరణార్ధి రోల్ లో నటిస్తున్న తాప్సీ.. ఇలా ఆ మూవీ షూటింగ్ సీక్రెట్స్ బయటకు రాకపోవడానికి కారణం ఉందని చెబ్తోంది. కెమేరాలనే కాదు.. కనీసం సెల్ ఫోన్లను కూడా షూటింగ్ దరిదాపుల్లోకి రానివ్వడం లేదట. ఫోటోలు తీయడాన్ని పూర్తిగా నిషేధించారట కూడా.

సెట్ లోకి కూడా కేవలం ఏ రోజుకి ఆరోజు అవసరమైన వారినే అనుమతిస్తున్నారని చెప్పింది తాప్సీ పన్ను. సబ్ మెరైన్ సెట్ మాత్రమే కాదు.. కేరక్టర్లు కూడా జనాలను థ్రిల్ చేయాలనే ఉద్దేశ్యంతోనే ఇలా చేస్తున్నారట. ప్రమోషన్స్ స్టార్ట్ చేసేనాటికి ఆడియన్స్ కి ఆ థ్రిల్ ఉండాలంటే.. ఇప్పుడిలాంటి రూల్స్ తప్పవని తాప్సీ చెప్పింది.