సౌత్ కి సినిమా చూపిస్తున్న తాప్సీ

తాప్సీ పన్ను ఇప్పుడు బాలీవుడ్ లో అదృష్టం పరీక్షించుకునేందుకు రెడీ అయిపోయింది. ఈ ఢిల్లీ బ్యూటీ గతంలో కూడా ఒకట్రెండు హిందీ సినిమాలు చేసినా.. ఇప్పుడు బాలీవుడ్ మెగాస్టార్ అమితాబ్ బచ్చన్ తో కలిసి నటిస్తుండడంతో.. ఇది గ్రాండ్ రీ ఎంట్రీ అని చెప్పాల్సిందే. అయితే.. ఇది బాలీవుడ్ మూవీ అయినా.. తన సినిమాని సౌత్ కి.. ముఖ్యంగా టాలీవుడ్ కి కూడా చూపిస్తోంది తాప్సీ పన్ను.

'నేను సినిమా కెరీర్ తెలుగు ఇండస్ట్రీతోనే ప్రారంభించాను. నా జర్నీలో టాలీవుడ్ పాత్రను ఏ మాత్రం మర్చిపోను. పింక్ కేవలం నా లైఫ్ కాదు.. మొత్తం ఇండియాకే చాలా ప్రత్యేకమైన మూవీ. నా సహనటులు అందరూ ఈ చిత్రం చూడాలని కోరుకుంటున్నా. వారి నచ్చితే.. మంచి టాక్ స్ప్రెడ్ అవుతుంది కదా' అంటున్న తాప్సీ.. గురువారం ప్రీమియర్ చూసేందుకు రావాలని తను ఓ మెసేజ్ పంపగానే.. చాలామంది అంగీకరించడం చాలా హ్యాపీ అనిపించిందని చెబుతోంది.

సౌత్ ఇండస్ట్రీ జనాలతో కలిసి పింక్ మూవీ చూడ్డం తన లైఫ్ లో ఓ మెమరబుల్ మూమెంట్ అవుతుందని చెబుతున్న పింక్ బ్యూటీ.. త్వరలో ఘాజీ మూవీలో రానాతో కలిసి కనిపించనుంది.