ఏ-లిస్ట్ లేకపోతే ఇక అంతే -తాప్సీ

బాలీవుడ్ క్వీన్ గా గుర్తింపు సంపాదించిన కంగనా రనౌత్.. ఆ రేంజ్ కి రావడంలో ఆమె పట్టుదల- ట్యాలెంట్ తో పాటు.. ఉన్నది ఉన్నట్లు కుండ బద్దలు కొట్టినట్లు మాట్లాడగల తెగువ కూడా కారణమే. ఇప్పటివరకూ ఇండస్ట్రీలో పైకి కనిపించని వాస్తవాలను బయటపెట్టే భామ కంగనా ఒక్కతే కాగా.. ఇప్పుడు సౌత్ లో సక్సెస్ అయ్యాక నార్త్ లో పాగా వేసేందుకు రెడీ అవుతున్న తాప్సీ పన్ను కూడా ఈమెకు తోడవుతోంది.

'పైకి ఎన్ని కబుర్లు చప్పుకున్న మనం బతుకుతున్న పితృస్వామ్య వ్యవస్థలోనే. పురుషాధిక్య సమాజంలోనే. ఇక్కడ అవకాశాలు రావాలంటే ఏ-లిస్ట్ లో హీరోయిన్ అయితేనే ఛాన్స్ వస్తుంది. లేకపోతే.. ఇలాంటి సినిమాలు చేస్తే ఆ జాబితాలో చేరతావనే సలహాలతో చిర్రెత్తుకొచ్చేస్తుంది. నేను టాప్ కేటగిరీ హీరోయిన్ ని కాకపోవడంతో చాలామంది నన్ను సినిమాల్లోకి తీసుకోలేదు. అంతెందుకు.. ర్యాంప్ పై నడిచేందుకు కూడా ఫ్యాషన్ డిజైనర్లు పట్టించుకోలేదు' అంటూ నిర్మొహమాటంగా తాప్సీ పన్ను.

ఇప్పుడు తను పెద్ద హీరోయిన్ కాకపోయినా.. మంచి రోల్స్ చేయాలంటే స్టార్ హీరోయిన్స్ మాత్రమ అవసరం లేదని ప్రేక్షకులకు చెప్పేందుకు ప్రయత్నిస్తున్నానని చెబుతోంది తాప్సీ. అయితే.. పట్టుదలతో ప్రయత్నిస్తే విజయం సాధించడం సాధ్యమేనని.. అందుకు తానే లివింగ్ ఎగ్జాంపుల్ అంటోంది తాప్సీ పన్ను.