మగాళ్ళందరూ బీప్ అన్న తాప్సీ!

తాప్సీ పన్ను గతంలో టాలీవుడ్ సినిమాల్లో గ్లామరస్ హీరోయిన్ గా నటించింది కానీ ఇప్పుడు మాత్రం బాలీవుడ్ లో మంచి గుర్తింపు ఉన్న హీరోయిన్ గా.. నటిగా కొనసాగుతోంది. ' పింక్' తో మంచి నటిగా గుర్తింపు తెచ్చుకున్న తాప్సీ ఆ తర్వాత ఒకటి ఆరా గ్లామరస్ పాత్రలు చేసినా వాటితో పాటుగా నటనకు ప్రాధాన్యత ఉన్న 'సూర్మా'.. 'ముల్క్'.. 'మన్మర్జియా'.. 'బద్లా' లాంటి సినిమాల్లో నటిస్తూ బాలీవుడ్ లో తన స్థానాన్ని పదిలం చేసుకుంటోంది. తాజాగా తాప్సీ ఒక షో లో సంచలన వ్యాఖ్యలు చేసింది.

బీఎఫ్ఎఫ్స్ విత్ వోగ్ - సీజన్ 3 షో కు బాలీవుడ్ లేటెస్ట్ సెన్సేషన్ విక్కీ కౌశల్ తో కలిసి హాజరయింది. తాప్సీ.. విక్కీ కౌశల్ 'మన్మర్జియా' లో కలిసి నటించిన సంగతి తెలిసిందే. అయితే ఈ షో లో తాప్సీ విక్కీని పరిచయం చేస్తూ "అందరూ మగాళ్ళు (బీప్) కానీ విక్కీ ఈజ్ ది బెస్ట్" అంటూ కామెంట్ చేసింది. 'మన్మర్జియా' షూటింగ్ కంటే ముందే తామిద్దరం ఎలా వాట్సాప్ ద్వారా ఎలా ఫ్రెండ్షిప్ చేసుకున్నాం అనేది షో లో వివరించింది. ఇక వరుణ్ ధావన్.. విక్కీ కౌశల్.. అభిషేక్ బచ్చన్ ముగ్గురిలో ఎవతిని హుక్ అప్.. మ్యారీ.. కిల్" (ఎవరితో టైం పాస్ చేస్తారు.. ఎవరిని పెళ్ళి చేసుకుంటారు.. ఎవరిని చంపుతారు) అని అడిగితే ఒక్క క్షణం తడుముకోకుండా "వరుణ్ తో హుక్ అప్.. అభిషేక్ ను కిల్ చేస్తా.. విక్కీ ని మ్యారేజ్ చేసుకుంటా" అని చెప్పేసింది. విక్కీ గురించి కంటిన్యూ చేస్తూ విక్కీ పెళ్ళికి పనికొచ్చే మెటీరియల్ అంటూ కితాబిచ్చింది.

ఇక తాప్సీ ఫ్యూచర్ ప్రాజెక్టుల విషయానికి వస్తే హిందీలో 'తడ్కా'.. ' మిషన్ మంగళ్'.. 'సాంద్ కీ ఆంఖ్' సినిమాల్లో నటిస్తోంది. వీటితో పాటుగా తెలుగు-తమిళ భాషలలో రిలీజ్ కానున్న 'గేమ్ ఓవర్' సినిమాలో కూడా నటిస్తోంది.