సొంత డెన్ సమకూర్చుకున్న తాప్సి

టాలీవుడ్ లో హీరోయిన్ గా పేరు తెచ్చుకుని కాస్త పేరు.. డబ్బు సంపాదించి ఇప్పుడు బాలీవుడ్ లో హీరోయిన్ గా పేరు తెచ్చుకునే పనిలో బిజీగా ఉంది పంజాబీ బ్యూటీ తాప్సీ పన్ను. రీసెంట్ గా జుడ్వా-2లో అందాలు ఆరబోసి బాగానే గుర్తింపు తెచ్చుకుంది. బిజీ హీరోయిన్ కాకపోయినా కాల్షీట్లు ఖాళీ లేకుండా సినిమాలు చేస్తూ వస్తోంది.

హీరోయిన్ గా ఇప్పటికీ ఆఫర్లు వస్తుండటంతో తాప్సి సంపాదనకు లోటేమీ లేదని చెప్పాలి. అన్నట్టు తాప్సీకో చెల్లెలుంది. ఆమె పేరు షగున్ పన్ను. అక్కలా సినిమాల్లోకి రాకుండ వెడ్డింగ్ ప్లానర్ గా కెరీర్ స్టార్ట్ చేసింది. ముంబయిలో సెలబ్రిటీలతో కాస్త పరిచయాలు ఉండటంతో షగున్ కు చేతినిండా పని ఉంది. వరస ఈవెంట్స్ తో దూసుకుపోతోంది. అక్కాచెల్లెళ్లిద్దరికీ చేతినిండా సంపాదన ఉండటంతో ఇద్దరూ కలిసి ముంబయిలో తాజాగా ఓ ఇల్లు కొన్నాడు. దీనికి పన్ను డెన్ అని పేరు కూడా పెట్టారు. హౌస్ టు హోమ్ అంటూ టైటిల్ పెట్టి తాము కొన్న ఇంటిముందు అక్కచెల్లెళ్లిద్దరూ దిగిన ఫొటోను సోషల్ మీడియాలో షేర్ చేశారు.

కొన్నాళ్ల క్రితం ఆనందో బ్రహ్మ సినిమాలో నటించి నవ్వులు పూయించిన తాప్సీ తాజాగా మరోసారి తెలుగు తెరపై కనిపించనుంది. రంగస్థలం సినిమాలో కుమార్ బాబుగా నటించి ప్రేక్షకులను మెప్పించిన ఆది పినిశెట్టి హీరోగా నటిస్తున్న నీవెవరో సినిమాలో తాప్సీ ఓ హీరోయిన్ గా నటిస్తోంది. థ్రిల్లర్ బ్యాక్ గ్రౌండ్ తో వస్తున్న ఈ సినిమాను ఎం.వి.వి.సత్యనారాయణ - కోన వెంకట్ కలిసి నిర్మించారు.