ఎన్ని కార్లు కొంటావ్ తాప్సీ?

సాధారణంగా సెలబ్రిటీలకు నాలుగైదు కార్లు ఉండటం కొత్తేం కాదులే. ఇక బాలీవుడ్ హీరోయిన్ల విషయానికొస్తే.. దీపికా పదుకొనె అండ్ ప్రియాంక చోప్రా వంటి టాప్ స్టారీమణులు ఏకంగా రోల్స్ రాయిస్ కార్లలో తిరుగుతున్నారు. మన దగ్గర నాగార్జున.. మోహన్ బాబు వంటి స్టార్లు తరచూ ఆ కారును వాడుతుంటారు. అయితే యంగ్ హీరోయిన్స్ విషయానికొస్తే.. ఇప్పుడు బాలీవుడ్ లో అందాల ఆరబోతకు డోర్లు ఓపెన్ చేసిన తాప్సీ కూడా కార్ల విషయంలో దూకుడుగానే ఉంది.

ఆల్రెడీ బాలీవుడ్ లోకి అలా అడుగుపెట్టిందో లేదో అమ్మడు ఒక కొత్త బి.ఎం.డబ్లూ కార్ కొనుక్కొని తనకు తానే గిఫ్ట్ ఇచ్చుకుంది. అది 2015లో సంగతి. ఇప్పుడు రెండేళ్ళు గడవడమే కాదు.. ఈ రెండేళ్ళలో అమ్మడు ఇంకొన్ని సినిమాలో కనిపించి బాగానే వెనకేసింది. మొన్ననే టూ బికినీల్లో మెరిసిపోయి జుడ్వా 2 అంటూ గ్లామర్ దాడి చేసింది. అయితే ఈ సంపాదనంతా కలిపి ఇప్పుడు కోటి రూపాయాలు విలువ చేసే మెర్సిడీజ్ బెంజ్ కారు ఒకటి కొనుక్కుంది అమ్మడు. దానికి మార్గరెట్ అంటూ పేరెట్టేసి.. మా కొత్త ఫ్యామిలి మెంబర్ చూడండి అంటూ ఫోటోలను షేర్ చేస్తోంది కూడా.

ఏదేమైనా కూడా ఆల్రెడీ ఒక కారు ఉండగా ఇంకో కార్ ఎందుకు తాప్సీ అని కొందరు అడుగుతుంటే.. అసలు ఇలా కార్లు మారుస్తుంటేనేగా ఆమె హ్యాపెనింగ్ హీరోయిన్ అంటూ జనాలు గుర్తించేది అంటూ సినిమా విశ్లేషకులు పంచ్ వేస్తున్నారు. ఏదేమైనా కూడా.. కంగ్రాట్స్ తాప్సీ!!