తాప్సీ తెగ ఎంజాయ్ చేస్తోందిగా!!

ఢిల్లీ బ్యూటీ తాప్సీ పన్ను నటించిన లేటెస్ట్ మూవీ నామ్ షబానా. పింక్ మూవీ తో బోలెడంత క్రేజ్ సంపాదించుకున్న ఈ భామకు వరుస అవకాశాలు తలుపుతట్టాయి. అయితే రన్నింగ్ షాదీతో పాటు.. రీసెంట్ గా రిలీజ్ అయిన నామ్ షబానా కూడా ఈ భామకు అంతగా కలిసి రాలేదు.

అయితే నామ్ షబానా విషయంలో చెప్పుకోవాల్సిన విషయం ఏంటంటే.. ఈ భామ కష్టానికి మాత్రం అంతో ఇంతో గుర్తింపు వచ్చింది. సినిమా నిరుత్సాహపరిచినా తాప్సీ నటనకు మంచి మార్కులే పడ్డాయి. వరుసగా కొన్ని సంవత్సరాల నుంచి లాంగ్ బ్రేక్ తీసుకోకుండా షూటింగ్స్ చేసేస్తున్న తాప్సీ.. ఇప్పుడు తన సోదరి షాగున్.. ఫ్రెండ్స్ తో కలిసి బ్యాంకాక్ లో చక్కర్లు కొడుతోంది. కొన్ని రోజులుగా బ్యాంకాక్ లోనే క్యాంప్ వేసిన ఈ పన్ను సిస్టర్స్ మహా ఎంజాయ్ చేసేస్తున్నారు.

వాటర్ స్పోర్ట్స్ లో ఎన్ని రకాలు ఉంటాయో అన్నిటినీ ఆడేయడమే కాదు.. తమ సరదా సమయాన్ని ఇలా అందరితో పంచుకుంటున్నారు. ఇక తాప్సీ పన్ను సినిమాల విషయానికి వస్తే.. జుడ్వా2 లో వరుణ్ ధావన్ తో కలిసి నటించేందుకు తాప్సీ రెడీ అయిపోతోంది.

Like Us on Facebook : https://www.facebook.com/Tupakidotcom/