గ్లామర్ జపం చేస్తున్న పింక్ పాప

ఢిల్లీ బ్యూటీ తాప్సీ పన్ను తొలినాళ్లలో చేసినవన్నీ గ్లామర్ పాత్రలే. కష్టపడి అందాలు ఒలికించిన సినిమాలేవీ ఆడకపోవడం.. మిస్టర్ పర్ఫెక్ట్ లాంటి సినిమాలు ఆడినా ఆ క్రెడిట్ తాప్సీ వరకూ రాకపోవడం లాంటివి జరిగాయి. గంగ మూవీలో తొలిసారిగా తనలోని యాక్టింగ్ చూపించిన తాప్సీ.. ఆ తర్వాత బాలీవుడ్ లో పింక్ తో పీక్ స్టేజ్ కి వెళ్లిపోయింది. అయితే.. ఆ తర్వాత కూడా ఘాజీ.. నామ్ షబానా లాంటి పెర్ఫామెన్స్ బేస్డ్ ఆఫర్స్ మాత్రమే వస్తున్నాయి.

కమర్షియల్ హీరోయిన్ గా సక్సెస్ కావాలంటే ఇలా ట్యాలెంట్ ఒక్కటే చూపిస్తే సరిపోదనే విషయం తాప్సీకి బాగానే అర్ధమైంది. అందుకే ఇప్పుడు మళ్లీ గ్లామర్ రూట్ లోకి వచ్చేస్తోంది. నాగార్జున హలో బ్రదర్ కి రీమేక్ బాలీవుడ్ లో రూపొందిన జుడ్వా చిత్రానికి.. ఇప్పుడు సీక్వెల్ సిద్ధమవుతోంది. వరుణ్ ధావన్ హీరోగా నటిస్తుండగా.. జాక్వెలిన్ ఫెర్నాండెట్.. తాప్సీ హీరోయిన్స్ గా నటించబోతున్నారు.

జుడ్వా2లో ఫుల్ లెంగ్త్ గ్లామర్ పండించేయనుందట తాప్సీ. సూపర్ హిట్ కామెడీ సీక్వెల్ లో తనలోని గ్లామర్ ని కొత్త యాంగిల్ లో చూపించబోతున్నానంటూ రీసెంట్ గా చెప్పేసింది తాప్సీ. ఈ మూవీ డైరెక్టర్ ఎవరో కాదు.. తాప్సీని చష్మే బద్దూర్ మూవీతో హిందీలో లాంఛ్ చేసిన డేవిడ్ ధావన్.. జుడ్వా2ని తెరకెక్కిస్తుండడంతో.. తాప్సీ తెగ ఎగ్జైట్ అయిపోతోంది.

Like Us on Facebook : https://www.facebook.com/Tupakidotcom/