బాయ్స్ లాకర్ రూమ్ పై తాప్సి బోల్డ్ కామెంట్స్

నిండా 15 సంవత్సరాలు కూడా లేని ఢిల్లీ స్కూల్ కు చెందిన విద్యార్థులు పెట్టుకున్న ఇన్ స్టాగ్రామ్ గ్రూప్ ‘బాయ్స్ లాకర్ రూమ్’ ఇప్పుడు తీవ్ర చర్చనీయాంశమైంది. దేశవ్యాప్తంగా సంచలన సృష్టించిన ఈ గ్రూపులో చాట్ లో అమ్మాయిల బాడీ షేమింగ్ పై కొందరు.. గ్యాంగ్ రేప్ చేద్దాం అంటూ మరికొందరు విద్యార్థులు చేసిన చాట్ కలకలం రేపింది.

ఆ 15 ఏళ్లకే మైనర్ బాలికల అశ్లీల ఫొటోలు - వాటిపై వ్యాఖ్యానాలు - శృంగార వాంఛలతో అశ్లీలంగా చేసేశారు. స్కూలు పిల్లలు అంతా పెట్టుకున్న ‘బాయ్స్ లాకర్ రూమ్’ ఇన్ స్టాగ్రామ్ గ్రూపు పోస్టులు లీక్ కావడంతో వైరల్ అయ్యాయి. స్కూలు పిల్లలు ఇంత దుర్మార్గంగా చేయడంపై ప్రభుత్వం స్పందించింది. పోలీసులు అసభ్యకరమైన వ్యాఖ్యలు చేసిన ఓ 15 ఏళ్ల మైనర్ బాలుడిని అదుపులోకి తీసుకున్నారు.

దేశవ్యాప్తంగా సంచలనం సృష్టించిన ‘బాయ్స్ లాకర్ రూమ్’ వివాదంపై హీరోయిన్ తాప్సి స్పందించింది. ఏదైనా బోల్డ్ గా సమాధానం చెప్పే తాప్సి తాజాగా స్కూలు విద్యార్థుల చాటింగ్స్ తనకు పెద్దగా ఆశ్చర్యానికి గురిచేయలేదని సంచలన వ్యాఖ్యలు చేసింది.

‘నేనే కాదు.. అలాంటి చాట్స్ చూసి ఎవ్వరూ ఆశ్చర్యపోరు.. అమ్మాయిల గురించి నీచంగా మాట్లాడుకోవడం..చర్చలు పెట్టడం కొత్తేమీ కాదు.. ఎప్పట్నుంచో ఉన్నదే.. ఇప్పుడు సోషల్ మీడియా ద్వారా ఇదంతా బయటకొచ్చింది. జనాలు ఇంత అతిగా రియాక్డ్ అవ్వడం నన్ను ఆశ్చర్యానికి గురిచేసింది’ అని తాప్సి ఢిల్లీ బాయ్స్ లాకర్ రూమ్ చాటింగ్ ను లైట్ తీసుకుంది.

అబ్బాయిలు అమ్మాయిల్ని చూసే విధానం మారేంత వరకు ఇలాంటివి సమాజంలో జరుగుతూనే ఉంటాయని .. సినిమాలు కూడా విద్యార్థులను చెడగొడుతున్నాయని తాప్సి ఆవేదన వ్యక్తం చేశారు.