ఈ హారర్ కోసం ఎవ్వరూ దొరకలేదట

మూడు సంవత్సరాల తరువాత తొలిసారి తాప్సీ తెలుగు సినిమాను సైన్ చేసిందనే విషయం మనం ఆల్రెడీ చెప్పుకున్నాం. బాలీవుడ్ ఆఫర్స్ లో మునిగి తేలుతున్న బ్యూటీ.. తెలుగులో ఓ హారర్ కామెడీ చేయడం ఎందుకో అనుకున్నారంతా. కానీ అసలు విషయం ఏంటంటే.. తెలుగులో ఇప్పటివరకూ చూడని కామెడీ హారర్ కాన్సెప్ట్ ని చూపించబోతున్నారట. పదండి తాప్సీ ఏమంటుందో చూద్దాం.

''ఏడాది క్రితమే హారర్ కామెడీ అంటూ దర్శకుడు నాదగ్గరకొచ్చాడు. గంగ తర్వాత అలాంటి సినిమా చేయదలచుకోలేదు అని ముందే చెప్పేశా. అయితే స్టోరీ విన్నాక చేస్తానని అన్నాను కానీ.. ఏడాది వరకూ డైరీ ఫుల్. అందుకే వేరే యాక్ట్రెస్ ని చూసుకోమని చెప్పా. 10 నెలల తర్వాత మళ్లీ వచ్చి.. వేరే ఏ హీరోయిన్ దొరకలేదు.. మీరే ఈ సినిమా చేయాలని దర్శకుడు అన్నాడు. అంతే వెంటనే సైన్ చేసేశా'' అని చెప్పింది తాప్సీ. తల్లి కోసం ఎదురుచూసే ఓ చిన్నారి చుట్టూ ఈ మూవీ కథ తిరుగుతుందట. ఆ తల్లి పాత్రలోనే తాప్సీ నటించే అవకాశం ఉందనే టాక్ వినిపిస్తోంది.

పాఠశాల ఫేమ్ దర్శకుడు మహి వి రాఘవ్ మాట్లాడుతూ.. ''సాధారణంగా ఓ భయంకరంగా కనిపించే ఇంట్లోనే ప్లాన్ చేసుకుని.. అక్కడే చుట్టేసే టైపులో మా సినిమా ఉండదు. ఇది కామెడీ మూవీ. అందులో హారర్ లింక్ అయి ఉంటుందంతే. అన్నిటికంటే స్పెషాలిటీ ఏంటంటే.. హారర్ అనగానే కేరక్టర్లు భయపడ్డమో.. జనాలు భయపడ్డమో కాదు. మా సినిమాలో దెయ్యమే జనాలకు భయపడుతుంది. తెలుగు సినిమా ఆడియన్స్ ఇప్పటివరకూ చూడని విధంగా హారర్ కామెడీ తీయబోతున్నాం'' అని చెప్పాడు.

Like Us on Facebook : https://www.facebook.com/Tupakidotcom/