షాజహాన్‌ వలచిన సుందరాంగివా...

కొన్ని తేనె చుక్కలు రంగరించి బ్రహ్మ చెక్కిన శిల్పం ఈ సుందరాంగి. మేటి నాయిక టబు వేచి చూస్తున్న ఆ తీరును చూస్తే.. ప్రియుని రాకకై ఎంతో ఆశగా ఎదురు చూస్తున్న నవయవ్వన మోహనాంగిలా కనిపిస్తోంది కదూ? నిజమే .. జీవిత చరమాంకంలో ఓ తోడు కావాలని అనిపించి ఉంటుంది. ఇంతకాలం బ్రహ్మచారిణిగా గడిపేసింది. పెళ్లి, తోడు అనే విషయాల్ని పూర్తిగా పెడచెవిన పెట్టేసింది. వివాహ బంధంపై నమ్మకం లేకో, లేక తన జీవితంలో జరిగిన కొన్ని విషయాలు తనని వేరే లోకంలోకి తీసుకెళ్లడం వల్లనో ఇలా చేసి ఉందని అనుకోవాలి.

ఏదేమైనా టబుని ఇలా చూస్తుంటే ఇప్పటికీ ఇంకా మూడు పదుల వయసు దాటని నవయవ్వనిలా కనిపిస్తోంది. సరికొత్త డిజైనర్‌ వేర్‌ ధరించి అతిలోక సుందరిలా మోడ్రన్‌ స్టయిల్‌లో ఈ డిస్‌ప్లే చూస్తుంటే ఏకంగా శిలాపలకంలో దాగి ఉన్న షాజహాన్‌కి సైతం జీవం వచ్చేట్టే కనిపిస్తోంది. నాటి రాజప్రాకారంలో విరహయోగినిలా వీగిపోతూ కనిపిస్తోంది ఈ ముగ్ధ. ప్రస్తుతం టబు బాలీవుడ్‌లో ఓ రీమేక్‌ చిత్రంలో నటిస్తోంది. అజయ్‌దేవగన్‌ హీరోగా మలయాళ హిట్‌ చిత్రం 'దృశ్యం' రీమేక్‌ చేస్తున్న సంగతి తెలిసిందే. ఇందులో పోలీస్‌ అధికారిగా టబు నటిస్తోంది.