సుష్మా స్వరాజ్ పాత్రలో మాజీ హీరోయిన్

రియల్ లైఫ్ ఇన్సిడెంట్స్ ఆదారంగా సినిమాలు చేయడం ఇప్పుడు కొత్తగా వచ్చిన కల్చర్ ఏమీ కాదు. పైగా కొన్నేళ్లుగా బాలీవుడ్ లో బయోపిక్ లు రాజ్యం చేసేస్తున్నాయి. అసలు కొన్నేళ్లుగా కలెక్షన్స్ పరంగా నిరుత్సాహపరిచిన ఒక్క రియల్ లైఫ్ పీరియాడిక్ మూవీ కూడా లేదంటే ఆశ్చర్యం వేయకమానదు.

అయితే.. అవన్నీ దశాబ్దాల క్రితం జరిగిన చరిత్రలు. కానీ ఇప్పుడు బాలీవుడ్ లో ఓ మూవీకి ప్లానింగ్ జరుగుతోంది. అది కూడా రీసెంట్ సంఘటనల ఆధారంగానే కావడం విశేషం. కేంద్రంలో బీజేపీ అధికారంలో వచ్చాక ఈ ఇన్సిడెంట్ జరిగింది. పాకిస్తాన్ కు చెందిన తాహిర్.. భారతీయ మహిళ ఉజ్మా అహ్మద్ ను బలవంతంగా పెళ్లి చేసుకోవడం.. ఇందుకు బెదిరించడం న్యూస్.. జనాలు బాగానే ఫాలో అయ్యారు. ఆ తర్వాత ఆ మహిళను ఇండియాకు రప్పించేందుకు సుష్మా స్వరాజ్ చాలానే కష్టపడి.. ఎట్టకేలకు విజయం సాధించారు. ఇప్పుడు ఈ ఉదంతం మొత్తాన్ని సినిమాగా తీసేందుకు ప్రయత్నాలు జరుగుతున్నాయని తెలుస్తోంది.

ఈ మూవీలో కేంద్ర మంత్రి సుష్మాస్వరాజ్ పాత్రను సీనియర్ నటి.. మాజీ హీరోయిన్ టబు పోషించనుండగా..ఉజ్మా అహ్మద్ కేరక్టర్ లో పరిణీతి చోప్రా కనిపించనుందట. ధీరజ్ కుమార్ దర్శకత్వంలో రూపొందనున్న ఈ మూవీలో.. భారత డిప్యుటీ హై కమిషనర్ జేపి సింగ్ రోల్ అనిల్ కపూర్ నటించనున్నాడటని టాక్ వినిపిస్తోంది.