ఆది మరో ప్రయత్నం

హీరో ఆది పినిశెట్టి తెలుగు మరియు తమిళంలో హీరోగా ప్రయత్నాలు చేసి ఆశించిన స్థాయిలో గుర్తింపు దక్కించుకోవడంలో విఫలం అవుతున్నాడు. ఆది హీరోగానే కాకుండా క్యారెక్టర్‌ ఆర్టిస్టుగా, విలన్‌ గా కూడా నటిస్తున్నాడు. తెలుగులో పలు చిత్రాల్లో నటించిన ఆది త్వరలోనే హీరోగా మరో ప్రయత్నం చేయబోతున్నాడు. ద్వి భాష చిత్రంగా ఆది తర్వాత నటించబోతున్న చిర్రతం తెరకెక్కబోతుంది. క్రీడా నేపథ్యంలో కొత్త దర్శకుడు పృథ్వీ ఆధిత్య ఈ చిత్రంకు దర్శకత్వం వహించబోతున్నాడు. ప్రస్తుతం స్క్రిప్ట్‌ వర్క్‌ జరుగుతుందని, ఒకే సారి తెలుగు మరియు తమిళంలో తెరకెక్కించి, ఒకే సారి అక్కడ, ఇక్కడ విడుదల చేయాలని భావిస్తున్నారు.

బిగ్‌ ప్రింట్‌ పిక్చర్స్‌ బ్యానర్‌ లో రూపొందుతున్న ఈ చిత్రంకు పీఎంఎం ఫిల్మ్స్‌ మరియు గ్లోరీ స్టూడియోస్‌ సంస్థలు సహ నిర్మాణ సంస్థలుగా వ్యవహరించబోతున్నాయి. ప్రవీన్‌ కుమార్‌ సినిమాటోగ్రఫీ అందించబోతున్న ఈ చిత్రంకు సంబంధించిన నటీనటుల ఎంపిక మరియు టెక్నీషియన్స్‌ ఎంపిక జరుగుతోంది. ఆది ఈ చిత్రంలో క్రీడాకారుడిగా కనిపించబోతున్నాడు. అయితే ఏ క్రీడ నేపథ్యంలో ఈ చిత్రం ఉంటుందనే విషయంలో సస్పెన్స్‌ కొనసాగుతోంది. ఆది పినిశెట్టి ఈ చిత్రంతో కోలీవుడ్‌ మరియు టాలీవుడ్‌ లో మంచి గుర్తింపు తెచ్చుకుంటాడేమో చూడాలి.