బయోపిక్ ఛాన్స్ అందుకున్న టాలెంటెడ్ యాక్టర్..!

ఇండియన్ స్క్రీన్స్ పై బయోపిక్ సినిమాల హడావిడి కొనసాగుతూనే ఉంది. ఇప్పటికే అన్ని భాషల్లో ఇలాంటి సినిమాలు వస్తుండగా మరికొన్ని లైన్ లో ఉన్నాయి. ముఖ్యంగా పొలిటికల్ లీడర్స్ బయోపిక్ అంటే ఆడియన్స్ లో ప్రత్యేక ఆసక్తి ఏర్పడుతుంది.

ఇక దేశ ప్రధాని బయోపిక్ అంటే ఆ హైప్ నెక్స్ట్ లెవల్ లో ఉంటుంది. బాలీవుడ్ లో ప్రస్తుతం అలాంటి ప్రయత్నాలే జరుగుతున్నాయి. మాజీ ప్రధాని వాజ్ పేయీ బయోపిక్ కి రంగం సిద్ధమవుతుంది. వినోద్ భానుషాలి, సందీప్ సింగ్ ఈ బయోపిక్ ని నిర్మిస్తున్నట్టు రీసెంట్ గా ఎనౌన్స్ చేశారు.

ఈ బయోపిక్ లో బాలీవుడ్ నటుడు పంకజ్ త్రిపాఠి ప్రధాన పాత్రలో నటిస్తున్నారు. వాజ్ పేయీగా పంకజ్ మేకోవర్ ఉండబోతుంది. మిర్జాపూర్, క్రిమినల్ జస్టిస్, సాక్రెడ్ గేమ్స్ లాంటి వెబ్ సీరీస్ లతో పంకజ్ ప్రేక్షకులకు చేరువయ్యారు. కన్నడ సినిమా చిగురిడ కనసు తో తెరంగేట్రం చేసిన పంక నార్త్ సౌత్ అన్ని భాషల్లో నటిస్తున్నారు. తన కెరీర్ లో 60కి పైగా సినిమాల్లో నటించిన పంకజ్ తెలుగులో కూడా దూసుకెళ్తా సినిమాలో నటించారు.

ఈ అవకాశం రావడంపై పంకజ్ స్పందిస్తూ గొప్ప నాయకుడి పాత్రలో నటించే అవకాశం రావడం అదృష్టంగా భావిస్తున్నా.. వాజ్ పేయీ రాజకీయ నాయకుడే కాదు గొప్ప రచయిత కూడా అని అన్నారు పంకజ్.

మాజె ప్రధాని వాజ్ పేయీ జీవిత కథతో వస్తున్న ఈ సినిమా మై రహూ.. యా నా రహూ.. యే దేశ్ రెహనా ఛాహియే అటల్ టైటిల్ తో ఈ మూవీ వస్తుంది. అన్ టోల్డ్ వాజ్ పెయీ : పొలిటీషియన్ అండ్ పారడాక్స్ అనే బుక్ ఆధారంగా ఈ మూవీ తెరకెక్కిస్తున్నారు. వాజ్ పేయీ 99వ జయంతి సందర్భంగా 2023 క్రిస్మస్ నాడు ఈ మూవీ రిలీజ్ ప్లాన్ చేస్తున్నారు. మరి మాజీ ప్రధాని జీవిత కథతో వస్తున్న ఈ మూవీ ఎలాంటి సంచలనాలు సృష్టిస్తుందో చూడాలి.

నటుడిగా పంకజ్ ఇప్పటికే తనకంటూ ఒక మార్క్ చూపించగా మాజీ ప్రధాని బయోపిక్ కోసం సరికొత్త మేకోవర్ తో వస్తున్నారట. తప్పకుండా అతని లుక్స్.. అతని ఆహార్యం అంతా వాజ్ పేయీ ని దించేయాలని చిత్రయూనిట్ కష్టపడుతున్నారని తెలుస్తుంది. పర్ఫెక్ట్ గా తీస్తే బయోపిక్ సినిమాలకు మంచి డిమాండ్ ఉంటుంది. మరి మాఝె ప్రధాని వాజ్ పేయీ బయోపిక్ ఎలా ఉండబోతుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.