బాలయ్య ఆఫర్ ని రిజెక్ట్ చేసిన టాల్ బ్యూటీ..?

నందమూరి బాలకృష్ణ హీరోగా గోపీచంద్ మలినేని దర్శకత్వంలో ఓ సినిమా తెరకెక్కనున్న విషయం తెలిసిందే. మైత్రీ మూవీ మేకర్స్ బ్యానర్ పై నవీన్ ఎర్నేని - వై.రవిశంకర్ ఈ చిత్రాన్ని నిర్మించనున్నారు. బాలయ్య కోసం వాస్తవ సంఘటన ఆధారంగా కథ రెడీ చేస్తున్న గోపీచంద్.. ఇందులో ఇద్దరు హీరోయిన్లకి చోటు కల్పించారని తెలుస్తోంది. అయితే ఒక ఫిమేల్ లీడ్ పాత్ర కోసం రకుల్ ప్రీత్ సింగ్ ని సంప్రదించారట.

ఒకప్పుడు టాలీవుడ్ స్టార్ హీరోయిన్ గా వెలుగొందిన రకుల్ ప్రీత్ సింగ్.. ఈ మధ్య తెలుగులో ఎక్కువ సినిమాల్లో కనిపించలేదు. సీనియర్ స్టార్ హీరో అక్కినేని నాగార్జున సరసన 'మన్మథుడు 2' సినిమాలో హీరోయిన్ గా నటించింది. ఈ సినిమా పరాజయం చెందింది. ఈ క్రమంలో ఇటీవల నితిన్ హీరోగా నటించిన 'చెక్' సినిమాలో నటించినా పెద్దగా ప్రయోజనం లేకుండా పోయింది. ఈ క్రమంలో బాలయ్య అప్ క‌మింగ్ మూవీలో అమ్మడికి ఛాన్స్ దక్కిందట.

అయితే ఈ ఆఫర్ ని టాల్ బ్యూటీ రిజెక్ట్ చేసిందట. ఇప్ప‌టికే బాలీవుడ్ వైపు ఈ బ్యూటీ అడుగులు వేస్తుండ‌టంతో, బాల‌య్య స‌ర‌స‌న యాక్ట్ చేయ‌డానికి ర‌కుల్ నిరాక‌రించిన‌ట్లుగా ఫిలిం సర్కిల్స్ లో టాక్ వినిపిస్తోంది. ఇందులో నిజమెంతో తెలియాల్సి ఉంది. ఇకపోతే బాలీవుడ్ నిల‌బ‌డాలని గట్టిగా ట్రై చేస్తున్న ర‌కుల్.. ప్రస్తుతం 'ఎటాక్' మరియు 'మే డే' అనే రెండు హిందీ సినిమాలలో నటిస్తోంది.