బాహుబలి బేబీస్.. మళ్లీ కలుస్తున్నారోచ్

అనుష్క శెట్టి.. తమన్నా భాటియా.. వీళ్లిద్దరూ చాలాకాలంగానే సౌత్ ఇండస్ట్రీలో నటిస్తున్నారు. కానీ వీళ్లిద్దరూ కలిసి నటించింది మాత్రం బాహుబలి చిత్రంలోనే. ఆ క్రేజీ కాంబినేషన్ ఎలా వర్కవుట్ అయిందో ప్రత్యక్షంగా చూశాం. ఇప్పుడీ కాంబోని మరోసారి దించుతున్నాడు దర్శకుడు గౌతమ్ మీనన్. ప్రస్తుతం గౌతమ్ మీనన్ ఓ మూవీకి సిద్ధమవుతున్నాడు.

నలుగురు స్నేహితులు కలిసి యూఎస్ ట్రిప్ కు వెళ్లడం అన్నదే ఈ చిత్ర కథాంశం. సౌత్ లోని నాలుగు భాషల్లోనూ రూపొందేలా క్రేజీ కాంబినేషన్ ను సిద్ధం చేస్తున్నారు. మూడు పాత్రలో కోసం పృథ్వీ రాజ్.. పునీత్ రాజ్ కుమార్.. సాయి ధరం తేజ్ లతో మాటామంతీ జరుగుతుండగా.. మరొక హీరో పాత్రను నిర్ణయించాల్సి ఉంది. ఈ సినిమాలో ముగ్గురు హీరోయిన్లకు స్కోప్ ఉండగా.. ఇప్పటికే అనుష్క.. తమన్నాలను ఫైనల్ చేశారని తెలుస్తోంది. ఇప్పటికే సంప్రదింపులు పూర్తయ్యాయని అంటున్నారు.

మరో హీరోయిన్ గా కొత్త భామను తీసుకొచ్చే అవకాశాలు ఉన్నాయి. ఈ ఏడాది ద్వితీయార్ధంలో ప్రారంభమై వచ్చే ఏడాది ప్రారంభంలో ఈ మూవీ రిలీజ్ కానుంది. అయితే.. ఏప్రిల్ లో బాహుబలి2తో ప్రేక్షకుల ముందుకు రానున్న అనుష్క.. తమన్నాలు వచ్చే ఏడాది కూడా కలిసి సందడి చేయనుండడం విశేషం.

Like Us on Facebook : https://www.facebook.com/Tupakidotcom/