తమన్నాకి రాణి కిరీటం లేనట్లే!!

బాలీవుడ్ లో వచ్చిన క్వీన్ మూవీ.. కంగనా రనౌత్ కెరీర్ ని టర్న్ చేసేసింది.. బాలీవుడ్ క్వీన్ చేసేసింది. ఈ చిత్రాన్ని సౌత్ లో ఈ చిత్రాన్ని రీమేక్ తీసేందుకు చాలానే ప్రయత్నాలు జరిగాయి. క్వీన్ గా నటించేందుకు తమన్నా ఒప్పుకుంది కూడా. అయితే.. ఇప్పుడీ ప్రాజెక్టు నిలిచిపోయినట్లు తెలుస్తోంది.

ఈ విషయాన్ని తమన్నా కూడా ధృవీకరించేసింది. 'అవును ఈ ప్రాజెక్ట్ ప్రస్తుతానికి పక్కన పెట్టేశారు. అలాగని ఈ మూవీని మళ్లీ తిరిగి ప్రారంభించే అవకాశాలు లేకపోలేదు. అలాగని.. ఎప్పుడు మొదలవుతుందనే విషయం ఎవరికీ తెలియదు' అని ఓపెన్ గానే చెప్పింది తమన్నా. ఈ మూవీని రేవతి దర్శకత్వంలో తెరకెక్కించాల్సి ఉంది. తమిళ్-తెలుగు వెర్షన్లలో మిల్కీ బ్యూటీ క్వీన్ గా కనిపంచనుందనే ప్రచారం జరిగింది. ఈ లేడీ ఓరియెంటెడ్ మూవీ తర్వాత.. తమ్మూకి కొత్త ఇమేజ్ వస్తుందని కూడా అంచనావేశారు.

అయితే.. క్వీన్ ఆగిపోయినందుకు తానేమీ బాధ పడ్డం లేదని.. మరిన్ని ఫిమేల్ సెంట్రిక్ మూవీస్ తన చేతిలో ఉన్నాయని చెబుతోంది తమన్నా. బాహుబలి తర్వాత ఇలాంటి ఆఫర్స్ తనకు చాలా వస్తున్నాయని అనడం విశేషం.

Like Us on Facebook : https://www.facebook.com/Tupakidotcom/