మిల్కీ తెగ కష్టపడుతోందండీ!!

మిల్కీ బ్యూటి తమన్నా. దాదాపు కెరియర్‌ ఫేడవుట్ అయ్యిందనుకున్న తరుణంలో.. అమ్మడి చేతిలో బాహుబలి సినిమా వచ్చి పడింది. ఆ దెబ్బకి కెరియర్‌ ఇంకాస్త పెరిగినట్లే. అందుకే ఇప్పుడు కొన్ని సినిమాలతో అయినా బిజీగా ఉంది. ఏదేమైనా కూడా.. తెలుగులో మాత్రం కేవలం 'అభినేత్రి' సినిమా ఒక్కటే ఉంది. ఈ సినిమాతో కాస్త గట్టిగా కొడితేనే ఇంకొన్నాళ్ళు ఇక్కడ సర్వైవ్ అయ్యేది. లేకపోతే 27 ఏళ్ళకే రిటైర్మెంట్‌ తీసుకోవాల్సి వస్తుంది.

అందుకే మరి అభినేత్రి సినిమా కోసం తెగ కష్టపడుతోంది ఈ మిల్కీ అందాల సుందరి. ఈ సినిమాలో కావల్సినంత గ్లామర్ ను దారబోయడమే కాదు.. చక్కగా కావల్సినన్ని డ్యాన్సింగులు కూడా చేస్తోంది. అది ఏ రేంజులో అంటే.. ఏకంగా ప్రభుదేవా ప్రక్కనే చేస్తూ.. ఆయన్నే బీట్ చేయాలని చూస్తోంది. పైగా ప్రభు కూడా ఈమెకు డ్యాన్సు కంపోజ్‌ చేసి చాలా థ్రిల్ అవుతున్నాడట. అమలాపాల్ మొగుడు ఏ.ఎల్‌.విజయ్ దర్శకత్వంలో రూపొందుతున్న ఈ సినిమాలో తమన్నా సరసన ప్రభుదేవా అండ్‌ సోనూ సూద్‌ హీరోలుగా నటిస్తున్నారులే.

ఈ రకంగా ఒళ్లు హూనం చేసుకుంటున్న మిల్కీ సైరన్ కు.. అభినేత్రి సరైన హిట్టిస్తేనే.. ఫుల్‌ కిక్ ఉంటుంది. అదే జరుగుతుందని ఆశిద్దాం.