మిల్కీ మధురై ఫ్లైట్ ఎక్కేసిందంతే!!

మిల్కీ బ్యూటీ తమన్నా రీసెంట్ గా అమెరికా టూర్ ఫినిష్ చేసుకుని వచ్చింది. యూఎస్ లోని నార్త్ కరోలినాలో న్యూ ఇయర్ ఎంజాయ్ చేసిన మిల్కీ.. ఆ తర్వాత రెండ్రోజుల్లోనే ఇండియా వచ్చేసింది. వచ్చీ రాగానే తన ప్రాజెక్టులపై దృష్టి పెట్టేస్తుందని అందరూ భావిస్తే.. ఈ ముద్దుగుమ్మ ఎంచక్కా తన గ్లామర్ కి మెరుగులు పెట్టించుకుంది. హెయిర్ స్టైల్ ని కూడా కొత్తగా కట్ చేయించి.. డిఫరెంట్ లుక్ తో అదరగొడుతోంది.

ఆ వెంటనే మధురై ప్లైట్ ఎక్కేయనుందనే న్యూస్ వినిపించిది. న్యూ ఇయర్ సంబరాలు పూర్తి కాగానే.. మధురై లాంటి తీర్ధాస్థలికి వెళ్లడమంటే.. దేవుడి దర్శనం కోసం అనుకున్నారంతా. మిల్కీకి భక్తి కూడా ఎక్కువేనని, అందుకే అమ్మవారిని దర్శించుకుని, ఆశీర్వాదం పొందడానికే.. ఇలా మధురై వెళుతోందని అనుకున్నారు. అయితే.. తీరిగ్గా అసలు విషయం తానే చెప్పింది తమన్నా. ఈమె మధురై వెళుతోంది మీనాక్షి అమ్మవారిని చూడ్డానికి కాదట. ఓ మూవీ షూటింగ్ కోసం ఇలా మధురై ప్లైట్ ఎక్కాల్సి వచ్చింది. విజయ్ సేతుపతితో తమిళంలో ఓ ప్రాజెక్ట్ చేసేందుకు తమ్మూ అంగీకరించింది.

ఈ మూవీ బడ్జెట్ తక్కువ కావడం, తమన్నా కేరక్టర్ కి ఇంపార్టెన్స్ ఎక్కువగా ఉండడంతో.. ఈ చిత్రం కోసం రెమ్యూనరేషన్ కూడా భారీగా తగ్గించుకుంది తమన్నా. ఇప్పుడీ మూవీలో పాల్గొనేందుకు వెళుతున్నానని ట్విట్టర్ ద్వారా చెప్పింది. చాలా ఎక్జయిటింగ్ గా ఉందని అంటోంది తమ్మూ. ఏమైనా తమన్నాకి పబ్లిసిటీ గిమ్మిక్కులు బాగా వంటబట్టినట్టుగా ఉన్నాయ్. ఇదేదో ముందే చెప్పి ఉంటే.. ఇన్ని రూమర్స్ వచ్చుండేవి కాదు కదా.