ఊపిరి ఆపేస్తున్న తమ్మూ పోజులు

మిల్కీ బ్యూటీ తమన్నా హ్యాట్రిక్ కోసం వచ్చేస్తోంది. ఆగడు అంటూ మహేష్ తో ఫ్లాప్ కొట్టిన తర్వాత.. అమ్మడి డిమాండ్ తగ్గిపోతోందన్న టైంలో బాహుబలి ఆఫర్ వచ్చింది. ఈ మూవీ మొదటి భాగం బంపర్ హిట్ అవడం, ఆ తర్వాత రిలీజ్ అయిన మాస్ మహరాజ్ రవితేజ బెంగాల్ టైగర్ సక్సెస్ లో తమన్నా అందాలే కీలక పాత్ర పోషించడంతో.. ఈ భామ మళ్లీ దూసుకుపోతోంది.

ఇప్పుడు ఊపిరితో మూడో హిట్ కొడతానని కాన్ఫిడెంట్ గా ఉన్న తమన్నా.. అదే జోష్ తో తెలుగులో సొంతగా డబ్బింగ్ కూడా చెప్పేసుకుంది. ఇప్పటికే ట్రైలర్ లో తమ్మూ గొంతు విన్న ఆడియన్స్ బాగానే కనెక్ట్ అయ్యారు. ఇంతకీ ఎమోషనల్ కాన్సెప్ట్ లో సాగే ఈ ఊపిరిలో అమ్మడి రోల్ ఏంటంటే.. నాగార్జునకి, కార్తికి మధ్య ఓ బ్రిడ్జ్ లాంటిదన్న మాట. నిజానికి ఊపిరికి మాతృక అయిన ది అన్ టచబుల్స్ లో ఈ రోల్ ఓ పది నిమిషాల పాటు ఉంటుందంతే. కానీ ఫారిన్ కాన్సెప్ట్ లను లోకలైజ్ చేయడంలో దిట్ట అయిన దర్శకుడు వంశీ పైడిపల్లి.. తమన్నా పాత్రని బాగానే పెంచేసినట్లున్నాడు.

రీసెంట్ గా విడుదలైన ఊపిరి మూవీలోని తమన్నా పోజులు, గెటప్ లు, డ్రెసింగ్ లు చూస్తే.. చూసేవాళ్లకు ఊపిరి ఆగిపోవాల్సిందే. ముందు తెల్లతోలు తమన్నా అందాలు, వెనక ఫారిన్ భామల సొగసులు ధారపోస్తున్నారు. మొత్తం మీద ఎమోషనల్ గా సాగే ఊపిరిలో.. వంశీ పైడిపల్లి మసాలాను బాగానే దట్టించినట్లున్నాడు.