నేను నిజంగా రాణినే

టాలీవుడ్ మిల్కి బ్యూటీగా మంచి గుర్తింపు తెచ్చుకున్న హీరోయిన్ తమన్నా. ప్రస్తుతం అమ్మడు బాషా భేదం లేకుండా అన్ని ఇండస్ట్రీలో తన అదృష్టాన్ని పరీక్షించుకుంటోంది. అయితే గత కొంత కాలంగా తమన్నాకి సరైన విజయాలు అందడం లేదు. కానీ ఎలాగైనా ఒక హిట్ తో మళ్లీ తన గత వైభవాన్ని చూపించాలని అనుకుంటోంది.

అందుకే ఈ సారి లేడి ఓరియెంటెడ్ సినిమాతో రాబోతోంది. బాలీవుడ్ లో కంగనా రనౌత్ నటించిన క్విన్ చిత్రాన్ని తెలుగులో రీమేక్ చెయ్యడానికి సిద్ధమైంది. ప్రముఖ దర్శకుడు నీలకంఠ ఆ కథను తెలుగులో తెరకెక్కిస్తున్నాడు. అక్టోబర్ 1 నుంచి హైదరాబాద్ లో ఈ సినిమా రెగ్యులర్ షూటింగ్ ని ప్రారంభించనున్నారు. ఈ సందర్భంగా తమన్నా కొన్ని విషయాలను మీడియా తో పంచుకుంది. తమన్నా మాట్లాడుతూ ..క్విన్ రీమేక్ లో నటించబోతున్నందుకు చాలా సంతోషంగా ఉంది. నేను నిజ జీవితంలో కూడా స్వేచ్ఛగా రాణి లానే ఉండడానికి ఇష్టపడతాను. అదే తరహాలో ఈ సినిమాకి కూడా అలానే ఉంటుంది. మహిళ స్వేచ్చకు సంబందించిన సినిమాల్లో నటించడానికి ఎపుడైనా నేను సిద్ధమే. అలాంటి స్క్రిప్ట్ లు ఉంటే చేయడానికి ఎక్కువగా ఆసక్తిని చూపుతాను. ఈ సినిమాలో స్క్రిన్ ప్లే నాకు ఎక్కువగా నచ్చింది. హిందీలో కంగనా కూడా చాలా బాగా నటించింది. తెలుగులో కూడా నా స్థాయి వరకు నేను నటిస్తాను అని మిల్కీ బ్యూటీ వివరించింది.

తమన్నా ఈ సినిమా కోసం కొత్త ఆకృతిలో కనిపించనుంది. ఇక ఈ సినిమాతో పాటు తమన్నా మరో రెండు చిత్రాల్లో నటిస్తోంది. కళ్యాణ్ రామ్ హీరోగా తెరకెక్కుతోన్న ఓ సినిమాతో పాటు తమిళ్ లో మరొక సినిమాలో నటిస్తోంది. విక్రమ్ తో నటించిన స్కెచ్ సినిమా రిలీజ్ కి రెడీగా ఉంది.